Sekaria 1:6 - mzwDBL

⁶ N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Sekaria 1:6 Iomraidhean Croise

2 Koranar 15:12

Anee Korowii baɡɛ Kooro Jehu nyoa dɛ teŋɛ a ta la. Korowii ŋɔ, “He naanar ɛɛ ɛ koranaree ka tel naanar bele banaarɛ baa ka ba nɛ, dɛɛ di kora Israel harɛ ta.”

Job Tɔn 6:29

Hé berɛ nyiŋi a bini, dɛ bɛ men bolchɔɡe pa, hé kwaa lii, dɛkalkɛ n waa la wer.

Aesaya 21:17

Keda laa tena baa jemɛ hɛma tae kɛrɛdɛ la aa kanee do kpa. Men Korowii Israel tena aa dɛ tom mɛ laanee bola.”

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Aesaya 55:1

Korowii ŋɔ, “Hé banɔ la nyɔɡre aa dɛ kpo heyaa la, nee lole, hé ba nyɔ! He ta suuɡa dɔe yaa, hé ba, hɛɛ dɔ kondikwaa di pɛɛpɛɛ! Sen ne na-elnee lole, suuɡa ne laa baa yawa, yoɡ ɡe toole a ta!

Aesaya 55:11

Gɛɛ waa aa le n nyoa ɛɛ ba ɛɛ. Maa bol á berɛ ba n be pɛɛpɛɛ, nemenɛ waa maa dɛ nyin la bwa aa ɛa ka tonɛ.

Jeremia 23:20

Korowii bandia la nyoa aa sɔɔh, ka tel kɛŋɔ waa ɛ o tetoowa tonɛ. Tɔpera ane dɛ ba bala, ásɛ mɔɔ he no waa nɔ mun kɛrɛdɛ.

Jeremia 26:15

Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Jeremia 28:17

Asɛ Hanania sewɛ a ɡɛ bena la korobinuanɛ ta.

Jeremia 32:24

Babelɔn tena ma kwaa baa che a ta dɛ́ jo bwɛjen la bini bar o bwa, dɛ́ yoo ba dɛ́ pɔ ba nɛ. Hale ba pa mun kwara. Laa ne lɔr dɛ weela ɛɛ ɡeloo bá pɔ ba nɛɛ warane. He ɡbabir nao kɛŋɔ waa haa bola la ɛ ɡɛ.

Jeremia 36:28

ń kpɔ tɔnfale dɛ́ chwerɛ waa aa lɔ loɡle tɔn Kooro Jehoiakim aa fuuh la do o ta.

Jeremia 39:16

“Ir la ka ŋɔ Itiopia te Ɛbɛd Mɛlɛk be ŋɔ men Koranar Bwa Kooro, Israel tena aa dɛ tomɔ la ŋɔ, ‘N dɛ ba ɡela wekpeɡa maa ŋɔa mɛɛ kpɔɔ ba ta bwɛjen nɔ nɛra nɛɛ la ba, wedɛɛɡa te laa. A ɡɛ saŋ telo aa, hɛɛ naa siwi nee.

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 44:2

Koranar Bwa Kooro, Israel tena aa dɛ tomɔ la ŋɔ, “He ɡbabir na chɔɡa maa chɔɡ Jerusalam ne Juda bwɛjena la bwa. Hale a bwa berɛ dimɡbia, nomɛlbwa aa wola a ta soɡe,

Jeremia 44:28

Ba bini banɔ la baa dɔ bɔr le Ijipt harɛ ta kaa Juda la ɛɛ do tamaa kenii. Ásɛ Juda tena bwa baa kaa dɛ ba so Ijipt harɛ ta la jemɛ bɛl la o wa aa dɔ kasinteŋ, n waa la kɛɛ ba waa baa dɛ teŋɛ a ta la.

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Jeremia 44:6

Anomanta, n kpɔ n bandia ba ta Juda bwɛɛre nɛ, ne Jerusalam fɔɡbaahna, dɛ kpaa nii do a ta. A bwa kuuɡo dɛ berɛ dimɡbeeni dɛ do ɔma, nomɛlbwa aa wola nyin kɛ o nyiŋi, dɛ ba le fini.

Jeremia 5:14

Anomanta, waa Korowii Waa Ɛ Koranar Bwa Kooro aa dɛ bol laanee nɔ, “Nɛra nɔ aa bol ɡɛ nomanta, n wobol maa kpɔ do he nyoa la ɛɛ doo kɛŋɔ nii ken. Ba ɡe ɛɛ doo kɛŋɔ daa nii aa dɛ fuah.”

Wiile 1:18

Korowii te waa toɡrɔ tɛ mɛ, kɛ menee vɛh waa waa do mɛ a ta. Hé no n be, he nɛra haa lɔ bobɛlbwa, dɛ́ na wenaale maa lɔ o ta. Ba lawɛ n bonɔɔna ne toli bwa laa ta kaa harɛfala ta.

Wiile 2:17

Korowii teŋɛ o nyobaɡa ta, dɛ ɛ waa o fa aa vɔrɔwa bil ŋɔ wɛɛ ɛo la. O chɔɡe, o ta he nɛɛ sune, dɛ ɡel he dɔma pɔ he nɛ, dɛɛ di he loro, he chɔɡa la wa.

Wiile 3:42

“N Naa Korowii, ya ɛ wechɔɡa dɛ ɛɛ deŋnekpeɡ, he ta ya wechɔɡa kpɔe kɛ yaa.

Ɛsekeɛl 20:43

Belaa hɛɛ ba we-ɛɛla ne liire aa ɡela he kpɔ he te kah doŋa la nae, ásɛ he hah he ɡbaɡba kɛŋɔ haa ɛ a ɡɛ wedoŋa nɔ la.

Ɛsekeɛl 37:11

Ate, Korowii ŋɔ n be ŋɔ, “Nɛwɛnyini bie, Israel tena bwa do kɛ hoɡa nɔ. Ba dɛ bol ŋɔ ya hoɡa bwa loɡao, ya ta hwɛɡa bɛlbwa dɔe, ya toole wobɛlbwa bini.

Daneɛl 4:28

A ɡɛ waa la bwa chiɡ Kooro Nebukadnesa nɛ.

Hosia 5:9

Israel harɛ ɛɛ chɔ pɛɛ, awola maa ba tɛr o nɛra deŋne la. Israel deene bwa bee mɛɛ bol waa aa ɛ kasinteŋ aa dɛ ba bala.

Hosia 9:15

Korowii ŋɔ, “Ba nyubinikpeɡ la pa mun Gelɡal, belaa n le hah ba. Ba wechɔɡa nomanta, mɛɛ doŋ baa le n Dem. Maa ba waa nyin kpa, ba nomonome bwa ɛ deŋnekpeɡ tena.

Emɔs 9:10

Wechɔɡ-ɛɛra baa lɔ n nɛra bini bwa, baa kpoo ba laa taa. Banee dɛɛ bol ŋɔ, ‘Korowii aa ɡel wechɔɡa bɛlbwa ba ya nɛ.’ ”

Sekaria 1:7

Koojen Dareɔs aa di kora bennɛɛte, korobie fi dɛ beŋkpoŋ baa dɛ yerɔ Sebat, tɔpera fifraanɛ dɛ anaarɛ ta la, Korowii bol waa o keame Sekaria be jwaana. Kenii Sɛkaria bol Korowii waa la.

Malakae 3:18

Hɛɛ berɔ na ɡɛ nɛra ba wa aa toɡra waa aa korɛ banɔ la ba nyu bini aa kpeɡa waa ta, ne ɡɛ nɛra baa dɛ tomɛ men Korowii waa aa korɛ banɔ la baa wola men tomɛ waa ta.”

Nɛra Kura 23:19

Korowii ta nɛwɛnyini ɛɛ wɛɛ teŋe nyosone, kɛɛ nɛn dɛ́ charɛ o liire. O dɛ bol waa dɛ́ ɡel a ɛɛ yaa? Wɛɛ baɡɛ nyoa waa a taa teŋaa?

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

Nɛra Kura 33:56

He ta ban doŋe le aa, mɛɛ chɔɡ heyaa ɡɛ maa liira kɛ mɛɛ chɔɡ baa la.”

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Mmarare 28:2

Anomanta, hé duu Korowii haa dɛ tomɔ nɔ, ásɛ a ɡɛ wedɛɛɡa nɔ bwa ɛ he kwa.

Mmarare 28:20

Dɛ he vɛh Korowii aa, wɛɛ kpɔ wekpeɡaa ta he nɛ, he berɛ wili dɛɛ na waa wobɛlbwa haa dɛɛ ɛ ta, dɛ́ ka tel kɛŋɔ waa chɔɡ heyaa warane kwaraa.

Mmarare 28:45

Wekpeɡa maa bol a waa nɔ bwa ɛɛ ba he nɛɛ, dɛ́ ka he nɛɛ ka tel kɛŋɔ he bwa aa serewa, dɛkalkɛŋɔ he ta Korowii waa noɛ. He ta o Mmarare waa do heyaa a ta la ta teŋɛ.

1 Tesalonika 5:4

Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ.