Sekaria 1:5 - mzwDBL

⁵ He naawa sɛ taraken jaɔ? N keamere la ɡe ta lole ja aa?

Sekaria 1:5 Iomraidhean Croise

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 13:20

Korowii keame Elaesa baa sewɛ asɛ ba huɡo. Dɛ benanyoa bɛlbwa, Moab tena yon lɔ ba tɔ Israel tena nɛɛ dɛ́ kah ba kwa, dɛ́ berɛ kaa warane.

Yela 90:10

Bene yaa di lɔ fifraanuanɛ ɡbo, kɛɛ dɛ bokpeɡa ta lole naa, bene fifraanuatoro. Kɛ a bwa ɡe ta la, hɔhɔrɔwa ne suna dii ɡboo, aa biɡri dɛ a baa kaa, ya serewe.

Wejereme 1:4

Nɛra dɛ sewɛ, baa lolɛ banfala, kɛ harɛ nɔ ta do ɡɛ waa doa.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Jeremia 36:28

ń kpɔ tɔnfale dɛ́ chwerɛ waa aa lɔ loɡle tɔn Kooro Jehoiakim aa fuuh la do o ta.

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Amanesoma Jɔn Aa Chwera Tɔn 8:52

Anee Juu tena la ŋɔ, “Ya ta ŋɔe yaa? Kwaa dɛ ir o nɛ. Ya nabaa Abraham ne Korowii keamere la ɡba serewɔ, ɡɛɛ he te ŋɔ nomɛlbwa waa no he waa nɔ dɛ́ teŋɛ a ta la aa sewɛ bwa naa?

We-ɛɛla 13:36

Gɛ saŋ Devid aa lole la, o ɛ Korowii tetoowaa kɛrɛdɛ mɔɔ dɛ sewɛ, asɛ ba huɡo o naawa chɔɔbɔr, o bwadabii pɔh.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

1 Samoɛl 25:1

Samoɛl baa sewɛ, asɛ Israel tena bwa cheme dɛ wiu, dɛ huɡo Rama bela waa soɡa. Asɛ Devid berɛ kaa Mayɔn pua hɛŋle ɡbo harɛ ta.