Sɛɡla 9:6 - mzwDBL

⁶ Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.

Sɛɡla 9:6 Iomraidhean Croise

Yela 119:115

Hé le n nɛɛ kaa, wechɔɡ-ɛɛra, ásɛ n won dɛɛ teŋɛ waa Korowii maa dɛ tomɔ aa do mɛ ta!

Yela 45:10

Kooro hanfale, dɛɛ no waa maa dɛ ba bola nɔ, soh he nɛra ne he lolanar wa.

Sɛɡla 10:17

Nɛn waa cheɡ deŋne dɛɛ no jae la dɛ́ biɡri, kɛ onɔ la waa wola o wechɔɡa sɛh la dɛ́ dɔ wa.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Sɛɡla 23:19

N bie, no dɛ́ che a ta jemɛ wa, ásɛ he sie chɔ harɛ he soɡa bini.

Sɛɡla 4:11

N baɡle wejema, n kpɔe cheɡ ŋwɛnɛdɛɛɡe haa kpɔ o ta dɛ́ so.

Sɛɡla 8:35

Nomɛlbwa waa na mɛ la dɔ mkpa, Korowii tea ɛɛ too o nɛɛ.

Sɛɡla 9:11

Menee Wejema, he teŋɛ n nɛ aa, hɛɛ dɔ mkpajaŋee.

Ɛsekeɛl 11:20

Ásɛ baa teŋɛ me Mmarare ne n waa ta kɛrɛdɛ. Mɛɛ kpɔ baa ɛ n nɛra, ásɛ n ɛ Korowii baa dɛɛ tom mɛ.

Ɛsekeɛl 37:24

Kooro waa do kɛ n bonɔɔ Kooro Devid la, onee dɛ́ ɛ ba kooro, dɛ́ do kɛ peteɡre beŋkpoŋ dɛɛ nyiŋi ba nɛ. Baa teŋɛ me Mmarare ne waa maa kpɔa tɛɛ ba taa kasinteŋ ne.

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

We-ɛɛla 2:40

O bol waa kohona dɛ ja ba, dɛ ɡbɛɡbɛ ba ŋɔ, “Fini nɛra wechɔɡa kan ɡa. Hé takapɔ dɛ́ laa he te le nɛnchɔɡa la Korowii aa dɛ ba ba wechɔɡa kpɔe dɛ bɔ ba kem la bini.”

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Wepila 18:4

N berɔ no taa bɛl o le nyundua dɛ ŋɔ, “N nɛra, hé le o be. Maa nyin kɛ he ne o pɛ dɛ́ɛ ɛ wechɔɡa, dɛ́ pɛ na wahala maa dɛ ba ɡela o na la.