Sɛɡla 8:10 - mzwDBL

¹⁰ Hé kpɔ waa maa kpɔa dɛɛ ja heya dɛ́ ɡel suuɡapoŋ, hé kpɔ wejema ɡwaa suuɡaswɛm tenten.

Sɛɡla 8:10 Iomraidhean Croise

Job Tɔn 28:15

Baa won kpɔ suuɡaswɛm tenten yawɔ, kɛɛ dɛ kpɔ ɡɛ suuɡapoŋ tɔɡre aa doa maɡɛ o yoɡ.

Job Tɔn 28:17

Haa won kpɔ suuɡaswɛm kɛɛ diɡi maɡɔ, haa won kpɔ suuɡaswɛm koŋkwaare charɔ.

Yela 119:127

N dɛ nyin he Mmarare haa dɛ do mɛ a ta la ɡwaa suuɡaswɛm, hale suuɡaswɛm tenten bɛlbwa,

Yela 119:162

N sie lɛo mɛɛ hɛɡre he nyobaɡa la ta, kɛŋɔ nomɛl waa kpaah komɛl o yoɡ aa kpeɡa ken.

Yela 119:72

Mmarare haa kpɔa tɛ mɛ la ɡwaa mɛ harɛ nɔ ta suuɡa bwa, hale suuɡaswɛm ne suuɡapoŋa ta an tele.

Sɛɡla 10:20

Nɛn o wa aa toɡra wobol do kɛŋɔ suuɡapoŋ tenten, kɛ nɛnchɔɡe te liire ɛ wepuu.

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Sɛɡla 20:15

Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.

Sɛɡla 23:23

Lawɛ kasinteŋ bini kpoŋe dɛ bɛ kpɔ ta, nyin wejema ne waa hwela dɛ waa mun noe.

Sɛɡla 8:19

Kon haa dɔ le n be la ɡwaa suuɡaswɛm baa laa doŋa kpɔ o ta, dɛ ɡwaa suuɡapoŋ tenten.

Wejereme 7:11

Wejema wer kɛŋɔ haa dɔ kapɛrɛ kon bɛl dɛɛ cha nɛra baa lɔ harɛ nɔ ta.

We-ɛɛla 3:6

Belaa Pita ŋɔ, “N ta suuɡa dɔe dɛ tɛɛ, kɛ mɛɛ tɛɛ kon n ɡe aa dɔa laanee. Yeesu Kristo waa le Nasarɛt la sɔn ta, ir dɛ́ valɛ!”

2 Kɔrent 6:10

Ba dɛ ɛ yaa tebinichɔɡ wa, kɛ saŋ bɛlbwa dɛ ya lɔ silɛɛ ta. Ya ɛ nyaara, kɛ ya won nɛra chae kohona. Ya ta komɛlbwa dɔe, kɛ yan ɡee komɛlbwa.