Sɛɡla 7:7 - mzwDBL

⁷ dɛ na bonɔɔna bane baa wola wobɛlbwa jemɛ, ba bini la, dɛ bɛl te ɛ ɡɛne tenten.

Sɛɡla 7:7 Iomraidhean Croise

Job Tɔn 24:15

Nɛn waa lawɛ nɛra bane haahna dɛɛ chɔ la, dɛ́ kpa kɛŋɔ bɔr bir. O dɛ lii kɛŋɔ, ‘Nomɛlbwa aa men na,’ dɛ́ kpɔ sie sɔh.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Yela 19:7

Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Sɛɡla 1:32

Gɛna dɛ sewɛ wejema baa vɛah wa, dɛkalkɛŋɔ ba kpɔ wejema dɛɛ ta habɔɔ, baa sie waa ta do.

Sɛɡla 1:4

Aa ɡeloo nɛra baa wola wobɛlbwa jemɛ sie pili, ásɛ toli ne bonɔɔna dɔ wejema.

Sɛɡla 10:13

Wejereme wobol binii wejema do, kɛ ɡɛne te, lɔɔraa baa lɔɔro.

Sɛɡla 12:11

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona. Gɛnee dɛɛ chɔɡ o te toma aa wola tɔnɔ dɔe ta.

Sɛɡla 14:15

Gɛnee yon dɛɛ yarada wobɛlbwa waa dɛ no, kɛ wejereme te dɛ́ nyiŋi o vala bini.

Sɛɡla 14:18

Nɛn ta wejema dɔe yaa, a ɡelɔ wɛɛ ɡɛn kohona, kɛ nɛn waa jemɛ waa te ne wejemaa.

Sɛɡla 19:2

Aa were kɛŋɔ nɛn nya wejema, ɡɛɛ dɛ haa waa bini nyiŋi dɛɛ ɛa warawara ɡe aa, hɛɛ ɛ wechɔɡa.

Sɛɡla 19:25

Bammuɡli nɛn dɔ deŋnetɛra aa, nɛra baa wola wobɛlbwa jemɛ hweli waa dɛɛ le a ta, ɡɛɛ ba baɡle wejereme waa, wɛɛ jemɛ wa.

Sɛɡla 22:3

Wejereme dɛ na waa aa lɔ sie dɛɛ ba dɛ fel dɛɛ kea, nɛn waa wola wobɛlbwa jemɛɛ yon ka jo a ta dɛɛ na wa.

Sɛɡla 24:30

N fɛrɛ bɔhwaah bɛl koo nyoa, n kpɔ ɡɛne bɛl daa koo ta.

Sɛɡla 27:12

Nɛn waa dɔ nfɛrɛ la, dɛ na waa aa lɔ sie dɛɛ ba, dɛ yon ke o te. Nɛn waa wola liire dɔe yon so nyiŋi a ba diu.

Sɛɡla 5:1

N bie, cheɡ deŋne, dɛ́ no n wejema nɔ, no waa aa dɛ tɛ waa mun noe.

Sɛɡla 6:20

N bie, dɛɛ no waa he mɛɛ aa dɛ doe a ta. Bɛ waa he nya aa dɛ baɡle vɛh.

Sɛɡla 6:32

Baa waa le o haah habɔɔ, dɛ kaa nyin hanfala la ta liire dɔe, o dɛ chɔɡ o ɡbaɡba.

Sɛɡla 8:5

He sie ta pilaa, hé hweli sipila wa. He ɡɛnaa, hé hweli wejemwa.

Sɛɡla 9:16

Dɛ ŋɔ ɡɛna be ŋɔ, “Nɛra he sie aa wola pile, hé ba n be bonɔ.”

Sɛɡla 9:4

Dɛ ŋɔ, “Hé banɔ la he sie aa wola pile la ba,” dɛ berɛ ŋɔ ɡɛna ɡe be ŋɔ,

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Matiu 15:16

Anee Yeesu bɔɔ ba ŋɔ, “He ɡe aa a mun jemaa?