Sɛɡla 7:13 - mzwDBL

¹³ Belaa haah la ba ɡbaa bonɔɔ la pɛl o te, dɛ kpɔ nɔɔra dawɛ o vaama ta, dɛ nyiŋi o siebɔr, dɛ ŋɔ o be ŋɔ,

Sɛɡla 7:13 Iomraidhean Croise

Mumpar 39:12

Belaa haah la ta lawɛ o yal kpoŋe dɛ ŋɔ, “Gel n ne he chɔ.” O ta sɛɛh, dɛ yo lɛ o te dɛ chwa le buse, asɛ a ka o yal la do haah la nɔn ta.

Mumpar 39:7

Aa ba dɛ la sie la, Pɔtefa haah pɛla lawɛ Josef dɛ ŋɔ o ne o chɔ.

Yela 59:3

Na ɡɛ baa kaa sɔh dɛɛ kpaah mɛ! Nɛnchɔɡa dɛ vɔrɔwe n vɔrɔwa, kɛ dɛ n ta wechɔɡa bɛlbwa ɛɛ.

Sɛɡla 21:29

Nɛnchɔɡe dɛ ɛ o siebɔr kɛŋɔ o ɛ nɛndɛɛɡe, nɛn o wa aa toɡra te dɛ́ nyiŋi o waa bini kɛrɛdɛ.

Sɛɡla 9:15

dɛɛ yerɛ nɛra baa ba dɛ kaa, banɔ la baa teŋa baa kaa ba liire do ba waa ta.

Aesaya 50:7

Sihiih aa men kpo, dɛkalkɛ Nemenɛ Korowiirii dɛɛ cha mɛ. Anomanta, n lawɛ n te, dɛ n jemɔ kɛŋɔ maa nchoo di bwa.

Ɛsekeɛl 16:33

Hanjwamane bɛlbwa dɛ lɛ suuɡa, kɛ he te kpɔ kwaa dɛɛ kɛ baala baa dɛ nyini dɛɛ yaɡ ba sen, asɛ ba le bobɛlbwa ba he be, he ne baa chɔ.

Ɛsekeɛl 2:4

Nɛra men Nemenɛ Korowii aa dɛ tomɛ ba be la lwɛɛma kpeɡri, baa men bu. N dɛ tomɛ he ka ŋɔ ba be ŋɔ kenii mɛɛ bol.

Ɛsekeɛl 2:6

Kɛ hen nɛwɛnyini bie, dɛɛ berɛ ba ɔma, dɛɛ berɛ ba waa baa dɛ bol ɡe ɔma, a do kɛŋɔ haa dɛ la ka do jabalnadaŋɛre ne sɔɔhne baah ta. Nɔrɔme baah taa hɛɛ la ka jo, kɛ bɛ ban ɔmɛ. Bɛ ɡel he bambile chɔɡ ba sie, ba deŋne kpeɡri.

Nɛra Kura 25:1

Israel tena aa baŋre ba tɛnte deene dɛ ta so Akaasia Fɛlembɔjen bini la, ba bini baala pa mun lawɛ Moab haahna dɛɛ chɔ.

Nɛra Kura 31:16

Banee no Balam waa ta, a che a ta dɛ ɡel ya laa ya te kpɔ Korowii nɛɛ Peɔ Bwejen ta, asɛ weechɔɡa ba ya Korowii nɛra nɛɛ la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.