Sɛɡla 4:18 - mzwDBL

¹⁸ Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Sɛɡla 4:18 Iomraidhean Croise

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Job Tɔn 11:17

He soɡa bini ɛɛ chaahnoo dɛ ɡwaa webaŋa, ásɛ he wenaale aa do kɛŋɔ biro la do kɛŋɔ chɔmbibi wechɛn ken.

Job Tɔn 17:9

Kɛ ane a bwa, nɛra ba wa aa toɡra la ɛɛ teŋɔɔ dɛ́ do ɡɛ dɛɛ la, dɛ́ teŋɛ dɔ bokpeɡa saŋ bɛlbwa.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Yela 84:7

Ba dɔ bokpeɡa saŋ bɛlbwa dɛɛ la, ka tel kɛ baa na Korowii o kpeɡri aa ɡwaa voɡa bwa, Saayɔn Bwejen doa la.

Yela 97:11

Nii dɛ chaah nɛra ba wa aa toɡra sie, nɛra ba wa aa wera ɡe ɛɛ dɔ silɛɛ.

Sɛɡla 13:9

Nɛn o wa aa toɡra soɡa bini chaahnɔ kɛŋɔ bochaah ken, kɛ nɛnchɔɡe te do kɛŋɔ kandea waa dɛ dime.

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Sɛɡla 2:20

Anomanta, teŋɛ nɛndɛɛɡe luɡe ta, ásɛ dɛ so kɛ nɛn o wa aa toɡra.

Sɛɡla 2:9

Dɛ he no n be naa, hɛɛ jemɛ waa aa ɛ kasinteŋ dɛ do wer, ne anɔ la aa toɡra. Dɛ́ berɛ jemɛ waa aa chɛ kɛŋɔ hé ɛ.

Aesaya 26:7

N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Daneɛl 12:3

Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 5:14

He do kɛŋɔ nii waa dɛ chaah bɔr nɛwɛnyina bwa bini. Bwɛjen waa dawɛ deŋɡare doa la aa won sɔh.

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.