Sɛɡla 30:2 - mzwDBL

² Dɛ n fa do kɛŋɔ kpɔɡ bini ol, n ta nɛn liire dɔe.

Sɛɡla 30:2 Iomraidhean Croise

Yela 49:10

Nomɛlbwa nao kɛŋɔ wejerema dɛ sewɛ, ɡɛna ne banɔ la baa wola liire dɔe ɡe ɛɛ sewɛ, dɛ́ ɡel ba kondɔɔh tɛ bane.

Yela 73:22

dɛ n ɡɛnɔ kɛŋɔ ol ken, n ta he waa mun noɛ.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Sɛɡla 12:1

Nomɛlbwa waa dɛ nyin o jemɛ waa la dɛ sɛh chɔɡre. Gɛnee wola sɛh kɛ ba baɡlo wa.

Sɛɡla 30:1

Waa aa le Jake bibaa Aɡur be laanee nɔ. “Korowii kpɔ mɛ ta, n ta lɛɛ dɔe.

Sɛɡla 5:12

ásɛ he ba ŋɔ, “N deŋnekpeɡ ne n waa bɛ noe, ne n bambikpeɡii tɛ mɛ.

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

1 Kɔrent 8:2

Nomɛlbwa waa dɛ lii kɛŋɔ o ɛ wejereme la, o ta wejema aa chɛ kɛ o jemɛ la dɔe mɔɔ.

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.