Sɛɡla 3:9 - mzwDBL

⁹ Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Sɛɡla 3:9 Iomraidhean Croise

Mumpar 28:22

Bwe maa kpɔa pa dɛ kpɔ dɛɛ liiri nɔɔ dɛɛ ba he torome bɔr ɛɛ. Ásɛ komɛlbwa ɡe haa tɛ mɛ la, bɔre fi bɛlbwa la, mɛɛ tɛɛ bɔrbeŋkpoŋii.”

2 Webena 31:10

asɛ Sɔfonomoa Asaria waa ɛ Sadɔk lole la chaŋe ŋɔ, “Dɛ le saŋ nɛra la aa pa mun kpɔ koŋkɛɛla dɛɛ ba Korowii Dea bonɔ la, ya dɔɔ dɛɛ di, ásɛ ane ka chɔ warɛ, dɛkalkɛ Korowii swee o nɛra andɛɛɡa, asɛ andamanta nɔ ta ka dɛ daŋɛ chɔ la.”

2 Webena 31:21

Wobɛlbwa Kooro Hɛsɛkea aa ɛa Korowii Dea Jerusalam, ne ɡɛ waa teŋɛ Korowii Mmarare, ne waa waa doo a ta bambile bwa ne la ɡelɔ o wobɛlbwa chiɡu kɛrɛdɛ.

Yela 144:13

Gel koo kondikwaare bwa soo siwi su ya dɔndɔŋre bini. Gel ya peera ya kaɡboŋa, hale kaɡboŋa fifi.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 23:16

Hé di Koo Kondikwaa Koma Tɔpejen la he koo kondikonloɡla ne. Hé di Koo Kondikwaa Nyoa Boara Tɔpejen la, benanyoa la aa ba kaa o jaɡa he yon boa he kooni kondikwaa bwa nyoa ba cheɡ dem la ta.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Sɛɡla 11:25

Dɛɛ pili nɔn ásɛ wobɛlbwa do wer tɛɛ, dɛɛ cha banfala ásɛ ba cha he ɡe.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Aesaya 43:23

Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.

Lewi Dea Tena 19:25

Dɛ he dɔ ŋwɛnɛ name, dɛ́ di daa la nɔna bennue te la ta. Gɛɛ aa ba ɛɛ he daa won nɔnɛ kohona tɛ heya. Menee Korowii haa dɛ tom mɛ la.

Nɛra Kura 15:20

Hé kpɔ meloɡla haa tɔ sie nama la ane ɛ paanoo ane so siwii baa dɛ do noo a ta la ɛ saraha tɛo.

Matiu 25:17

Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

Mmarare 14:29

Lewi dea tena la ta harɛ dɔe dɛ́ di o ta, anomanta, ɡɛ kondikwaa la ɛ ba ne hɔɔhra ne bilalbii ne luhaahna baa lɔ he baah ta la kwa. Anee ba ɡee ba dii dɛ vaɡɛ, ásɛ Korowii haa dɛ tomɔ nɔ swee heyaa andɛɛɡa he toma haa dɛ ɛa ta.”