Sɛɡla 3:3 - mzwDBL

³ Bɛ ɡel Korowii nyina ne nɛnnyin dɛ kasinteŋ paŋɛ. Kpɔa ɛ kɛŋɔ baŋa kon, ɡel a ɛ he bambile wa.

Sɛɡla 3:3 Iomraidhean Croise

2 Samoɛl 15:20

Dɛ tɔpere nɔ ɡbosoroo he den ba. Maa wola jemɛ bela maa dɛ kaa nɔ, ɛrɛɛ mɛɛ ba wona ɡel he teŋɛ ya nɛɛ dɛɛ ɡaaɡe ɔ? Berɛ kaa ka tɔ he nɛra sie. Kórowii sune he nɛ, dɛ́ chae.”

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 25:10

Korowii dɔ nyina, o waa dɔ kasinteŋ, wɛɛ tɔ nɛra baa dɛ teŋɛ fɔo o ne baa fɔwa la ta siee.

Yela 85:10

Korowii nyina ne o kasinteŋ do kɛŋɔ nɛra banɛ aa chema ken, asɛ waa aa toɡra ne deŋnesɔɔhna ɡe ɛ beŋkpoŋ.

Kaala 13:9

Gel tɔpere la dii do kɛŋɔ nɔnloɡ, kɛɛ komɛl haa kpɔ vɔwɛ he tile ta, dɛɛ liiri Korowii Mmara la ta teŋa. Dɛkalkɛ Korowii kpeɡri ne o bokpeɡaa o kpɔ lawɛ le Ijipt harɛ ta.

Kaala 34:6

Belaa o teŋe Mosis sie ba kaa dɛ ŋɔ, “Menee Korowii, menee dɔ tedoma dɛɛ na nɛra sum. N baah aa di warawara, n nyina ne n kasinteŋ ɡe kan.

Sɛɡla 1:9

Ba webaɡla la ɛɛ ɡeloo he dɔ dadɛɛɡe, ásɛ he waa do wer kɛŋɔ, haa di bonɔɔne kɛɛ toli, dɛ kpɔ yal vɔwɛ nyu, kɛɛ dɛ do baŋa kwaa la.

Sɛɡla 14:22

He dɛ lii liichɔɡa aa, dɛ he kono, kɛ he dɔ liidɛɛɡa aa, nɛra dɛ yaradae, dɛɛ tɛɛ duure ɡe.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 20:28

Nyina ne kasinteŋ ɡelɔ Kooro ɛɛ biɡri, nyina taa a che o kora ɛɛ che.

Sɛɡla 6:21

Kpɔa ɛ kɛŋɔ baŋa kon, ɡel a ɛ he bambile wa.

Sɛɡla 7:3

Kpɔa do kɛŋɔ noniseɡ, dɛ́ ɡel a do he bambile bini.

Jeremia 17:1

Korowii ŋɔ, “Juda tena, ba kpɔ buni chwerɛ he wechɔɡa dawɛ he bambili ta, dɛ kpɔ kwɛrboɔ dia ɡwine dawɛ nyeɡlare aa paaɡe saraha kwaa loŋkoni la ta.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Malakae 2:6

Waa aa ɛ kasinteŋii ba baɡle, ba ta nyosone teŋe bwa. N ne ba soɡe deŋnesɔɔhna ta. Waa aa toɡra ɡbo laa ba ɛ, kɛ a cheɡɛ ba nɛɛ nɛra ɡalɡa ɡe charɛ ba liire le ba wechɔɡa ta.

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

2 Kɔrent 3:3

He we-ɛɛla dɛ baɡle kɛŋɔ he ɛ Yeesu Kristo tɔn waa cheɡɛ ya nɛɛ dɛ chwerɛ. Iŋki ne laa o chwerɔ, Korowii waa lole saŋ bɛlbwa la Domadɛɛɡee o kpɔ chwerɛ. Bwe ta laa o chwerɔ, bambile taa o chwerɔ.

Ɛfesos 5:9

Bochaah ta we-ɛɛlaa wedɛɛɡa ne wekaih dɛ kasinteŋ wa.

Mmarare 6:8

Hé kpɔa ɛ kɛŋɔ nɔnloɡ do he nɔɔra, dɛ́ kpɔa vɔwɛ he tili ta ásɛ aa lii heya.

Hibru 10:16

“N Naa Korowii bolɔ ŋɔ, ‘Fɔo n ne baa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambile bini, dɛ́ chwerɔ do ba nyuune bini.’ ”