Sɛɡla 3:11 - mzwDBL

¹¹ N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara.

Sɛɡla 3:11 Iomraidhean Croise

Job Tɔn 4:5

He ɡe kwaa bala fini, dɛ kpɔ bambichɔɡa ba ta he nɛɛ la.

Job Tɔn 5:17

Nomɛlbwa Korowii aa dɛ kaoh la na som, anomanta, dɛ Korowii Waa Ɛ Kpeɡri Bwa Dɔɔ la dɛ toɡre naa, bɛ an wesale lii.

Yela 94:12

N Naa Korowii, nɛra haa dɛ baɡ ba wa, ne banɔ la haa dɛ baɡ ba he Mmarare la, ba na som.

Sɛɡla 24:10

Waa ba he nɛɛ dɛ he ta wone che kiŋkiŋ naa, dɛ he bokpeɡa aa kanɛ kpa.

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

2 Kɔrent 4:1

Korowiirii sune ya nɛɛ dɛ tɛ yaa toma nɔ, anomanta, ya bwara aa yaa hwah.

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

Hibru 12:3

Hé nyiŋi ɡɛ nɛnchɔɡa fa aa haoh dɛɛ chɛɡro, asɛ o lawɛ bambile la, ásɛ bɔhwaah bɛ heyaa lawɛ, he le habɔɔ.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.