Sɛɡla 27:8 - mzwDBL

⁸ Gɛ jumbie yon ir le o kɔr ta dɛ kaa la, ɡɛɛ nɛn waa jo pua kaa dɛ ɡel o dem la do.

Sɛɡla 27:8 Iomraidhean Croise

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Mumpar 4:16

Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.

1 Koranar 11:22

Anee Ijipt Kooro bɔɔro ŋɔ, “Bɔkwaa hɛɛ nyin n ta hen tɛɛ hɛɛ nyin he berɛ kaa he harɛ ta nɔ?” Hadad chaŋe ŋɔ, “Wobɛlbwa laa, he te tɛ mɛ ŋwɛnɛ ásɛ n berɛ kaa.”

1 Koranar 19:9

Waa tel bela la, o kaa jo bwebɔɔ bini chɔ jwaana. Belaa Korowii bol waa Elaeja be ŋɔ, “Elaeja, bɔkwaa hɛɛ ɛ bonɔ nɔ?”

Sɛɡla 21:16

Nɛn waa kona le wejema ŋwɛnɛ ta la, sewaa wɛɛ sewɛ.

Sɛɡla 26:2

Nyotaahna aa wola hen chɛɛ la, do kɛŋɔ jumbii aa dɛ ɡah aa wola daa ta joŋi la ken.

Sɛɡla 27:7

Nɛn di kwaa vaɡɛ o tea aa, o waane laa tooh wa, ɡɛɛ nɛn lɔr aa dɛ kpoo la, koŋkpela ɛɛ do o som.

Aesaya 16:2

Moab haahna lɔ Aanɔn Moo nyoa milimili, dɛ la dɛɛ ba kɛŋɔ jumbii baa doŋa le a kɔne ta ken.

Jona 1:3

Anee Jona vɛh Korowii toma waa dɛ tomɔ Niniwe la, dɛ chwa dɛɛ kaa Taases. Anomanta, o la Jopa, bela stiimaere aa dɛ chuɡe, asɛ dɛ ka dɔ bɛl waa dɛ kaa Taases. O bɔ o suuɡa dɛ jo dɛ fe ɛɛ kaa Taases ásɛ Korowii bɛ on na.

1 Kɔrent 7:20

Anomanta, do ɡɛ haa doa mɔɔ Korowii lee he ba ɛ asɔre te la.

Tɔn Jud Aa Chwera 1:13

Ba do kɛ mpo nehɛma a nyoa aa kpeɡa kohona ken. Gɛ a yon dɛɛ vuuɡi, a fufuɡ doŋa ɛɛ le baŋ la, ɡɛɛ baa vuuɡi wa, ásɛ ba sihihwa ɛɛ le baŋ. Ba do kɛ weweela aa wola chebɔr beŋkpoŋ dɔe, baa wola hwɛɡa kpɔe dɛɛ do a nɛɛ dɛɛ valɛ jwaana la. Biro kpirikpirii Korowii kwaa ba cheɡ bá ka do bela saŋ bɛlbwa.

1 Samoɛl 22:5

Ate, Korowii keame baa dɛ yerɔ Gad ba ŋɔ Devid be kɛŋɔ, ó le bwebɔɔ la bini bela dɛ́ kaa Juda harɛ ta. Anomanta, Devid le bela dɛ kaa Hɛrɛt kɔne bini.