Sɛɡla 24:7 - mzwDBL

⁷ Wejemwobol mun noe kpeɡri tɛ ɡɛne kɛŋɔ ó won no a mun. Bwɛɛla chemo dɛɛ bol wa aa, waa won ane bol.

Sɛɡla 24:7 Iomraidhean Croise

Job Tɔn 31:21

kɛɛ dɛ n aah bilalbie dɛ fiiɡu, jema maa jema kɛŋɔ mɛɛ di bole kɔɔto la waa yaa,

Job Tɔn 5:4

O bii dɛ na sibeɡrewaa kohona, nɛn toole dɛ́ bol ba waa tɛɛ ba kɔɔto.

Yela 10:5

Ba we-ɛɛla bwa dɛ do wer dɛɛ tɛɛ ba, baa ŋwɛnɛ Korowii aa cheɡɛ o ta, dɛɛ pa bole mun no, dɛɛ mamɛ ba dɔma.

Yela 127:5

Baa bɛlbwa waa dɔ ɡɛ bibaala la, o na som. O ne o dɔma chemo aa, baa won pɔ o nɛɛ bwa.

Sɛɡla 14:6

Nɛn waa dɛ mamɛ wejemwaa la aa waa jemɛ, kɛ nɛn waa dɛ no waa mun te, dɛ́ jemɛ waa warane.

Sɛɡla 15:24

Wejereme bɛlbwa dɛ kpɔ mkpa ŋwɛnɛ ta, dɛ laa o te dɛɛ kpɔ waa aa ba seo ne.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Sɛɡla 17:24

Wejereme sie lɔ wejema ta saŋ bɛlbwa, ɡɛnee wola wobɛlbwa dɔe dawɛ o sie ta.

Sɛɡla 17:7

Mbarafo wobol aa were tɛ ɡɛne, ɡɛɛ a ta chɛ kɛ kooro teŋe nyosone.

Sɛɡla 22:22

Bɛ he dɔŋ nyae waa koh dɛ́ ɛɡro lɛ komɛl. Bɛ o nɛɛ nya, ásɛ dɛ bol waa bɔɔ kɔɔto.

Sɛɡla 28:5

Nɛnchɔɡaa wola waa aa ɛ kasinteŋ mun no, kɛ nɛra baa dɛ tomɛ Korowii te dɛ́ no a mun kɛrɛdɛ.

Sɛɡla 31:23

O jaa ɡe soɡe bwɛɛ nomonome bini naa, nomɛlbwa dɛ duuru.

Aesaya 29:21

Wɛɛ chɔɡ banɔ la nɛra aa che ba wobol ta dɛ́ ɛ wechɔɡa, ne banɔ la baa ɡela nɛra baa bol waa dɛɛ pa bole wili, ne banɔ la baa cheɡɛ nyosone ŋwɛnɛ ta, dɛɛ pa nɛra baa di bolsom bolchɔɡe.

Aesaya 32:6

Dɛkalkɛŋɔ ɡɛne te dɛ bol ɡɛnewa, dɛɛ lii wechɔɡa dɛ́ ɛ. Waa waa dɛ ɛ ne anɔ la waa dɛ bol bwa ɛ Korowii bwara wechɔɡe. O dɛ vɔmɛ nɛn lɔr aa dɛ kpoo kondikwa, dɛɛ vɔmɛ nɛn nyɔɡre aa dɛ kpoo ne.

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Emɔs 5:12

N jemɛ ɡɛ he wechɔɡa aa kana, dɛ jemɛ wedoŋa bwa haa ɛa. He ɛɡre nɛra ba wa aa toɡra, dɛ ɡel baa yawɛ heyaa sen, haa nyaara waa bolɛ dɛɛ tɛɛ ba aŋwɛnɛ ta kɔɔto.

Emɔs 5:15

Hé hah wechɔɡa, dɛ́ nyin wedɛɛɡa, hé ɡel kasinteŋ ɛɛ ɛ toma kɔɔto deene. Nemenɛ Korowii ken ɛɛ sune Josef dea nɛra baa kaa nɛɛ.”

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.