Sɛɡla 24:6 - mzwDBL

⁶ A chɛ kɛŋɔ hé maɡle he waa kɛrɛdɛ mɔɔ dɛ́ yo laa. Gɛɛ a do dɛ he dɔ jajaala kɛrɛdɛ waraa, hɛɛ ba wona yo le.

Sɛɡla 24:6 Iomraidhean Croise

2 Webena 22:4

O ɛ wechɔɡa dɛ jo Korowii nɛɛ kɛ Kooro Ahab ne o dem tena, dɛkalkɛ o mɛɛ seo habɔɔ la, dɛ banee dɛɛ jao, a che a ta o chole.

Sɛɡla 11:14

Dɛ wejerema toole dɛ nyiŋi harɛ bɛl ta naa, o dɛ paɡre. Bela nomondɛɛɡa aa lole la, deŋnesɔɔhna lɔ bela.

Sɛɡla 15:22

He maɡle waa dɛ he ta jajaa dɔe yaa, a dɛ chɔɡ, kɛ dɛ he dɔ jajaala waraa, a dɛ do wer.

Sɛɡla 20:18

Wobɛlbwa haa maɡla la, ɡel ba jae mɔɔ he ɛ. Nyin ŋwɛnɛdɛɛɡe mɔɔ dɛ vɔrɔwe laa.

Amanesoma Luk Aa Chwera Tɔn 14:31

Dɛ kooro ne o koodɔŋ bɛl dɔ yoi, o dɔ nɛra kaɡboŋa fi o dɔŋ la ɡe dɔ nɛra kaɡboŋa fifraanɛ naa, waa so dɛ́ lii kɛ wɛɛ wonoo kpɔ o nɛra la ka pu o dɔŋ la waa dɔ nɛra ɡwaalo la mɔɔ dɛ́ le ka puu wa aa?

2 Timoti 4:7

N yo yodɛɛɡe la dɛ tonɛ, dɛ chwa chwae la ɡe tonɛ. Amanesoma maa dɛ yaradaa la ta ɡe, n ta habɔɔ leɛ.