Sɛɡla 24:4 - mzwDBL

⁴ Wejema taa a che deene aa lɔ dem bela la su kondɛɛɡa a yoɡ aa kpeɡa.

Sɛɡla 24:4 Iomraidhean Croise

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.

Job Tɔn 28:10

Ba forɛ bɔɔ bwea la bini, ba siwi ɛɛ na kwaa a yoɡ aa kpeɡa la bwa.

Sɛɡla 15:6

Nɛn o wa aa toɡraa dɛɛ dɔ kondɔɔh o dem, kɛ nɛnchɔɡa kwaa dɔe dɛ tɛɛ ba wa.

Sɛɡla 20:15

Dɛ he jemɛ waa haa dɛ bol aa, he dɔ kon ɡwaa suuɡaswɛm ne suuɡapoŋ.

Sɛɡla 21:20

Nɛn waa jemɛ waa la dɛ́ dɔ kondɔɔh ne kondɛɛɡa, kɛ ɡɛnee dɛɛ chɔɡ o kwa.

Sɛɡla 24:5

Nɛn o kwa aa chaahna dɛ́ dɔ bokpeɡa kohona, asɛ nɛn waa jemɛ wa ɛɛ di kpeɡri.

Sɛɡla 8:18

Menee dɔ kondɔɔh ne jirima dɛ kpɔ dɛɛ tɛ, dɛ soɡa bini wer doe dɛ ka tonɛ.

Sɛɡla 8:21

dɛɛ tɛ banɔ la baa dɛ nyin mɛ kondɔɔh, ba deremi ɛɛ su kohona.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”