Sɛɡla 23:5 - mzwDBL

⁵ Kondɔɔh won hee kelo kɛŋɔ komɛl yon ɡale he sie ta la, a won ɛɛ kɛŋɔ kee kena yon moɡɛ ó ir kaa la.

Sɛɡla 23:5 Iomraidhean Croise

Mumpar 42:36

Ate, ba mɛɛ Jekɔb ŋɔ ba be ŋɔ, “Hé dɛ nyin kɛ n paŋɛ n bii bwa kɛɛ? Josef toole, Simeon ɡe kao. Hé berɔ dɛɛ nyin kɛ he kpɔ Bɛnjamen ɡe kaa. Menee dɛɛ ba waa nae!”

Job Tɔn 27:19

Ba dɛ chɔ kɛ kondɔɔhna, kɛ baa ɡɛɛ ka, ba ne jara dɛ a bwa le ba nɔn ta.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Sɛɡla 27:24

dɛkalkɛŋɔ suuɡa dɔe aa ɡɛ ka, ɡɛɛ kooɡbɛrɛ aa wola le chɔe dɛɛ tɛ naanar saŋ bɛlbwa.

Wejereme 1:2

“Komɛlbwa ɛ wepuu. Wobɛlbwa ta mun dɔe.” Wejereme laanee dɛɛ bol! “Wobɛlbwa sese ta mun dɔe.”

Wejereme 12:8

Wejereme la ŋɔ, “A bwa ɛ wepuu, Wobɛlbwa ta mun dɔe.”

Aesaya 55:2

Bɔkwa waa hɛɛ chɔɡ suuɡa kwaa aa wola kondikwaa ɛɛ ta, dɛɛ koh kwaa aa wola vaɡɛ ta nɔɔ? Hé cheɡ deŋne kɛrɛdɛ dɛɛ no waa maa dɛ baɡle heya, ásɛ dɛ dɔ kondikondɛɛɡa di.

Jeremia 22:17

Kɛ he sie beɡre anɔ la he ɡbo aa dɔ ta, dɛɛ kpoo nɛra baa wola wechɔɡa bɛlbwa ɛɛ, dɛɛ fiɡ ba, dɛ ɛɡ ba dɛɛ lɛ ba kwa. Men Korowiirii bola.”

Jeremia 39:12

“Kpɔɔ kaa dɛ́ kaa nyiŋi o nɛ, dɛɛ berɛ on hɔhɔrɔwa bɛlbwa ɛɛ, kɛ wobɛlbwa waa dɛ nyin la, ɛ tɛo.”

Matiu 6:19

Yeesu berɔ ŋɔ, “He bɛ ɡel he siwi swɛɛ harɛ nɔ ta kondɔɔh ta. Harɛ bonɔ te, kwaa won kwaa chwee, kwaa won deera dɛ́ chɔɡ, ŋwɛɛra ɡe won dea joe dɛ́ ŋwɛ.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Jɔn 2:16

Bwadabii pɛlchɔɡa kwa, ne anɔ la aa ɛ siwi pɛla kwa, ne waa yaa nyina dɛ kpɔa dɛɛ maŋkura ya te la ɛ harɛ nɔ ta wa. A ta ya Mɛɛ waa lɔ nyundua la be leɛ.