Sɛɡla 22:8 - mzwDBL

⁸ Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.

Sɛɡla 22:8 Iomraidhean Croise

Job Tɔn 4:8

N ɡbabir nao kɛŋɔ nɛra baa dɛ vɔrɔwe wechɔɡa vɔrɔwa, ne banɔ la baa dɛ nyin waa la, anee baa dɔ.

Yela 125:3

Nyubinikpeɡ tena aa won dɛɛ nyiŋi harɛ waa ɛ nɛra ba wa aa toɡra kon ta saŋ bɛlbwa. A ɛ ɡɛ naa, nɛra ba wa aa toɡra laanee bá na kɛŋɔ ba ken ɛ wechɔɡa.

Sɛɡla 1:31

Anomanta, hɛɛ dɔ ɡɛ haa dɛ nyinii, ásɛ he ɡbaɡba we-ɛɛla ɡure he nyu ta.

Sɛɡla 14:3

Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.

Aesaya 10:25

A ka tamaa ken dɛ n baah sɔɔhnɔ, maa hé deŋnee tɛr kpa, ásɛ dɛ berɛ n bandia ta Asiiria tena ɡe nɛɛ dɛ́ chɔɡ ba.”

Aesaya 10:5

Korowii ŋɔ, “Asiiria tena bwɛɛlɛ! Mɛɛ kpɔ baa ɛ kɛŋɔ n ɡuli maa kpɔ dɛɛ tɛr nɛra n baah aa di ba nɛɛ deŋne.

Aesaya 14:29

Filisti tena, daŋɡbala baa kpɔa lɔɔ heyaa ka la kuu, kɛ he bɛ ɡel he sie lɛ he hɛɡre. Harɛkon sewaa, onchɔɡe kɛ domkpule dɛ́ chiɡ o naa ta, ásɛ o bii ɡe do kɛŋɔ doh dɛ́ ir.

Aesaya 30:31

Korowii taa la ɛɛ ɡeloo Asiiria tena bwara hɛlɛ, wɛɛ kpɔ o koodaŋɡbalaa lɔ ba bil.

Aesaya 9:4

He pɔ ba dɔma ba fa aa dɛ ha ba, kɛŋɔ baa kpɔ daa dawɛ nae anɛ nɛ aa parɛ, dɛ kpɔ daŋɡbale dɛɛ lɔɔra la nɛ. Gɛ tentenee he kuuɡi daa aa dawɛ Midian tena nɛ dɛ lɛɛ ba.

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Hosia 8:7

Ba du peu dɛ ɡel mea, anomanta, kawulewulee baa ba koma. Mea aa wola bie dɔe ta kondikwaa dɔe. Dɛ a dɔ bie kwaraa naa, nɛŋhɔɔhraa dɛɛ ba a dii.