Sɛɡla 22:4 - mzwDBL

⁴ Ɔmɛ Korowii, pwɛr he te, hɛɛ dɔ kwaa ne jirima ne mkpajaŋee.

Sɛɡla 22:4 Iomraidhean Croise

Sɛɡla 19:23

Korowii ɔmaa dɛɛ ba mkpa ne, anee ɡela nɛn liire ɛɛ chɔ bobeŋkpoŋ o bwara ɛɛ sɔɔhno.

Sɛɡla 21:20

Nɛn waa jemɛ waa la dɛ́ dɔ kondɔɔh ne kondɛɛɡa, kɛ ɡɛnee dɛɛ chɔɡ o kwa.

Sɛɡla 21:21

Nɛn waa teŋɛ waa aa toɡra ta, dɛ dɔ nyina ɡe la, o dɛ biɡri, o wobɛlbwa ɡe ɛɛ do wer wɛɛ dɔ jirima.

Sɛɡla 22:3

Wejereme dɛ na waa aa lɔ sie dɛɛ ba dɛ fel dɛɛ kea, nɛn waa wola wobɛlbwa jemɛɛ yon ka jo a ta dɛɛ na wa.

Sɛɡla 22:5

Nafuɡere ne sɔɔhne lɔ wechɔɡ-ɛɛra ŋwɛnɛ ta, he dɛ nyin he nyu aa, laa he te kpɔ ɡɛ ŋwɛnɛ la ta.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

Sɛɡla 3:16

O dɛ tɛ mkpajaŋ, dɛ berɛ dɛɛ tɛ kondɔɔh ne jirima.

Sɛɡla 31:30

Tolwaa te dɛ neɡre nɛn, wer ɡe ɛɛ tu, kɛ haah waa dɛ ɔmɛ Korowii la chɛ kpɛɛra.

Aesaya 33:6

Wɛɛ ɛo kɛŋɔ dea mumpar waa kpeɡa dɛ tɛ heyaa he saŋ, dɛ́ lɛ heya dɛ́ tɛ heya wejema ne waa mun noe kohona saŋ bɛlbwa. O ɔma taa hɛɛ ba cheɡa, dɛ́ dɔ ɡɛ waa nɔ bwa.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Daneɛl 4:36

Gɛ saŋ n sie aa chole harɛ la. Korowii berɔ tɛ mɛ duure ne jirima n kora kan waa doa la wa. Nɛra baa dɛ ja mɛ ne n nomonome nyin n bɔr, dɛ berɛ kpɔ mɛ cheɡ kora ta, asɛ n berɛ dɔ kpeɡri waa ɡwaa wubwa kon la.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”