Sɛɡla 21:16 - mzwDBL

¹⁶ Nɛn waa kona le wejema ŋwɛnɛ ta la, sewaa wɛɛ sewɛ.

Sɛɡla 21:16 Iomraidhean Croise

Yela 125:5

Kɛ dɛ he tɛr nɛnchɔɡa deŋne aa, tɛr nɛra baa vɛh he waa ta teŋa la ɡe deŋne. Israel tena, Korowii tɛ heyaa deŋnesɔɔhna!

Yela 49:14

Baa na waa, dɛ́ serewe kɛ peera, seo tɔ ba sie dɛ́ kaa ba ne lalbɔɔne bini. Nɛra ba wa aa toɡra ɛɛ tiɡri ba nɛɛ, ba pɔh ba lalbɔɔne bini, ba ne ba deremi baah do jaŋne.

Sɛɡla 11:19

Nɛn o siwi aa swɛɛra kɛŋɔ o waa toɡre kɛrɛdɛ la, dɛ́ dɔ o nyu, kɛ nɛn waa teŋa dɛɛ ɛ wechɔɡa la te dɛ́ sewɛ.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Sɛɡla 19:16

Nɛn waa dɛ teŋɛ Korowii Mmara ta la, o dɛ dɔ o nyu, nɛn waa wola a ta teŋɛ la, ó dɛ sewɛ.

Sɛɡla 2:13

nɛra baa vɛh wedɛɛɡa ŋwɛnɛ, dɛ kaa kpɔ wechɔɡa ŋwɛnɛ aa ɛ biro ta wa,

Sɛɡla 5:23

Lawa waa wola won o te lawɛ laanee dɛ́ kpoo, o ɡɛnaa ɡela wɛɛ sewɛ.

Sɛɡla 9:18

Nɛra waa dɛ lɛɛ ba la aa jemɛ kɛŋɔ ba la o dem aa, ba dɛ sewɛ. Banɔ la baa tɔ sie jo bela la, ba bwa serewɔ kaa lalabwɛ.

Ɛsekeɛl 18:24

Dɛ nɛn o wa aa toɡra le o wedɛɛɡa ɛɛ ta, dɛ ka ɛ wechɔɡa ne waa maa kia wechɔɡ-ɛɛra ɛɛ ɛa la aa, wɛɛ dɔ o nyuu yaa? Maa o wedɛɛɡa waa ɛa wubwa la bɛlbwaa lii. O kasinteŋ bɛ dɔe ne wechɔɡa waa ɛa la taa wɛɛ ba sewa.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Hibru 10:38

Nɛn o wa aa toɡra dɛ su n siwi la te la, wɛɛ yarada mɛɛ dɛ́ dɔ mkpa. Kɛ dɛ o le habɔɔ te naa, n sie aa o nɛɛ lɛɛ ba.”

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Tɔn Jud Aa Chwera 1:12

He yon cheme dɛ pɛ dɛɛ di kondikwaa aa dɛ baɡle beŋkpoŋri ɛɛ haa dɔa he Dɔɔ tom nɔ ta la, a ɡɛ nɛra la lɔ he baah kɛŋɔ doŋa dɛɛ chɔɡ he wer. Ba ta sihiih dɔe. Ba ɡbo waa baa dawɛ, baa nɛra waa dawɛ. Ba waa ta hwɛɡa dɔe kɛŋɔ baama peu aa dɛ kaa a ne aa wola bwaala nee ne ba la. Ba do kɛŋɔ daa aa wola won a nɔna saŋ nɔnɛ, asɛ ba chuɡra ta a den serewe kwaraa la.