Sɛɡla 20:8 - mzwDBL

⁸ Kooro soɡe o kookara ta dɛ́ bol waa dɛ́ pa bole aa, o dɛ na anɔ la aa wola were.

Sɛɡla 20:8 Iomraidhean Croise

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

1 Koranar 7:7

Dea bɛl lole baa yerɔ Kookara Dea, ba berɔ dɛɛ yerɔ Waa Bola Aŋwɛnɛ Ta Dea. Belaa Kooro Solomɔn so bol nɛra waa dɛɛ pa bole. O kpɔ peleme daa sam dea la bini le harɛ kaa o saldoa bwa.

Yela 72:4

Gel kooro bol nyaara waa dɛɛ tɛɛ ba aŋwɛnɛ ta, dɛɛ cha ba bii, dɛ́ pɔ nɛra baa dɛ fiɡ ba la nɛ.

Yela 92:9

N Naa Korowii, ya jemɔ kɛŋɔ he dɔma bwa ɛɛ serewoo, ásɛ nyubinikpeɡ tena bwa lɔ peɡre.

Yela 99:4

Korowii ɛ kooro, dɛ dɔ kpeɡri kohona, dɛɛ nyin waa aa toɡra, o ɡelɔ kasinteŋ do Israel harɛ ta. O ba wa aa toɡra dɛ do wer ne.

Sɛɡla 16:12

Kooro bɛlbwa kii wechɔɡa, waa aa toɡraa ɡela kora ɛɛ che.

Sɛɡla 20:26

Kooro waa jemɛ waa laanee yon na nɛnchɔɡe, dɛ yon tɛr o deŋne waa wola o sum na.

Sɛɡla 25:5

Nɛnchɔɡa le kooro jwɛh aa, o kora ɛɛ cheo, toɡra o wa aa toɡra la wa.

Sɛɡla 29:14

Kooro waa bol nyaara waa dɛɛ tɛɛ ba aŋwɛnɛ ta la, o kora dɛ́ che dɛɛ biɡri.

Aesaya 32:1

Hé no! Kooro bɛl ɛɛ bao, dɛ́ ba di kora waa aa toɡra ne, o nomonome ɛɛ kpɔ kasinteŋii dɛɛ nyiŋi waa ta.

Matiu 12:30

Nomɛlbwa waa wola n nɛɛ jae la aa n waa nyin. Nomɛlbwa waa wola men chae dɛɛ boa n nɛra nyoa dɛɛ pɛ la lɔ ba dɛɛ peɡre.