Sɛɡla 20:6 - mzwDBL

⁶ Nɛra ɡalɡa dɛ bol ŋɔ ba dɔ nyina saŋ bɛlbwa, kɛ umee dɛ́ won jemɛ nɛn o wa aa dɔ kasinteŋ ɔ?

Sɛɡla 20:6 Iomraidhean Croise

Yela 12:1

N Naa Korowii, lɛ yaa! Nɛra ba wa aa toɡra toole kpa, kasinteŋ diile tonɛ nɛra bini.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Sɛɡla 20:5

Waa aa lɔ nɛn liire bini do kɛŋɔ bule waa luŋa bini nee ken, naate waa dɔ wejema laanee won nee la dɔe.

Sɛɡla 25:14

Nɛn waa baɡɛ nyoa kɛ wɛɛ tɛ komɛlee waa wola tɛ la, o do kɛŋɔ baama ne peu aa wola bwaala ne ba ken.

Sɛɡla 27:2

Bɛ he te kpɛɛ, ɡel nɛra kpɛɛre.

Wejereme 7:28

N taa dɛ nyiŋi a bini n ta wobɛlbwa nae mɔɔ la, babeŋkpoŋ o wa aa toɡra ɡboo n na nɛra kaɡboŋ bini, kɛ haah o wa aa toɡra beŋkpoŋ kwaraa toole ba bini.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Maeka 7:1

N waa sum kohona! N do kɛŋɔ nɛn waa ɡaaɡa dɛɛ nyin daa nɔna lɔmɔɡa saŋ, waa wola daa bɛlbwa nɔn waa ka o ta kɛɛ ɡrepo nɔna o daa ta nae dɛ́ di. Ba tɔɔ ɡrepo nɔna, ne fiɡ daa nɔna aa soma la bwa.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

Amanesoma Luk Aa Chwera Tɔn 18:28

Asɛ Pita ŋɔ, “Nyiŋi na, ya te, ya ɡel komɛlbwa yaa dɔa dɛ baa teŋɛ he nɛɛ la.”

Amanesoma Luk Aa Chwera Tɔn 18:8

N dɛ ŋɔ he be ŋɔ, Korowii ɛɛ wonoo cha ba. Wɛɛ ɛa warane ɡee. Dɛ Men Nɛn Bie la balaa, mɛɛ ba pu nɛra baa dɔ yarada harɛ nɔ taa te naa?”

Amanesoma Luk Aa Chwera Tɔn 22:33

Anee Pita chaŋo ŋɔ, “N Dɔɔ, n cheɡɔ kɛ bá do n ne hen dea. Seo kwaraa yaa, n ne hɛɛ sewɔɔ.”

Amanesoma Jɔn Aa Chwera Tɔn 1:47

Yeesu aa na Nataaneɛl wɛɛ ba o be la, o ŋɔ, “Israel te tentenee nɔ. O waa dɔ kasinteŋ kɛrɛdɛ!”

2 Kɔrent 12:11

N bol waa kɛ ɡɛne, kɛ heyaa ɡela n ɛ ɡɛ. Heyaa chɛ kɛ hé fe ɛɛ tɛ mɛ sɔn. A lole kɛ n waa aa bobɛlbwa tel te, kɛ nɛra baa dɛ maŋkura ba te ɡwaa Yeesu Kristo toroma la, ba bɛlbwa ta men ɡwaalɛ wobɛlbwa ta.