Sɛɡla 20:3 - mzwDBL

³ Baa bɛlbwa jirimaa kɛŋɔ o laa o te kpɔ naɡra we-ɛɛla ta, ɡɛnee dɛɛ nyin yoi.

Sɛɡla 20:3 Iomraidhean Croise

Mumpar 13:7

A ɡɛ nomanta, naɡra chole Abram bonɔɔna baa dɛ nyiŋi o kondɛɛra ta la, ne Lɔt bonɔɔna baa dɛ nyiŋi o ɡe kwaa ta la baah. Gɛ saŋ dɛ Keenan harɛ tena ne nɛra bane baa dɛ yer ba Pɛrɛs tena ta soɡe harɛ la ta.

Mumpar 13:8

Belaa Abram ŋɔ Lɔt be ŋɔ, “Nɛmbeŋkpoŋii n ne he bwa, anomanta, a ta chɛɛ kɛŋɔ n ne he yo, a ta chɛɛ kɛŋɔ n bonɔɔna ne he bonɔɔna ɡe yo.

2 Koranar 14:9

Anee Juda Kooro Amasea tomɛ toroma Israel Kooro Jehoas be, dɛ sɛɡlo ŋɔ, “Lɛbanɔn harɛ ta jabalnadaŋɛ bɛlee fa ira, dɛ ka ŋɔ bela dajen bɛl be ŋɔ, ‘Kpɔ he bihaah tɛ mɛ ń tɛ n bie ó mo.’ Asɛ kpɔɡ bini ol bɛl ɡe ir, dɛ ba tiɡri jabalnadaŋɛ la ta dɛ laa kuuɡi.

Sɛɡla 14:17

Nɛn o baah aa wola biɡri dii dɛ́ ɛ ɡɛnewa, wejeremee dɛɛ lawɛ bambile.

Sɛɡla 14:29

Nɛn o baah aa wola di warawara la, o dɛ no waa mun taeh, kɛ nɛn waa wola bambile dɔe la, o dɛ maŋkura o te ɡɛna ta.

Sɛɡla 16:32

Bambile dɔe wer ɡwaa banyoo tenten, he jemɛ he te lawa aa, a ɡwaa kɛŋɔ haa yoa lɛ bwɛbir.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 18:6

Gɛne wobol dɛ ba naɡra ne, o nyoa wobolee ɡela baa lɔɔro.

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Sɛɡla 21:24

Nomɛlbwa waa dɛ maŋkura o te la dɛ́ ɛ mbarafo. O ɛ bammuɡli nɛn o we-ɛɛla ɛɛ ɡwaa kohona.

Sɛɡla 26:17

Nɛn waa kpɔ o nyoa ɛɛ do nɛra waa aa wola o waa ɛɛ ta la, o do kɛŋɔ waa la fɔɡbaah, dɛ ka lawɛ nyoate deŋne.

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Jems 4:1

Bɔkwaa dɛɛ ba naɡra ne he baah ta nɔ? Kwaa haa dɛ pɛlɛ a nɛɛ laa dɛɛ ba a ne naa? Anee dɛɛ yo heya.