Sɛɡla 2:8 - mzwDBL

⁸ Korowii kpɔ nɔn dɛɛ tɔ nɛra baa dɛ ɛ ba bala kɛrɛdɛ nɛ, dɛɛ nyiŋi banɔ la baa ta ba te tɛo nɛ.

Sɛɡla 2:8 Iomraidhean Croise

Yela 1:6

Korowii dɛ nyiŋi nɛra ba wa aa toɡra nɛ, kɛ nɛnchɔɡa ŋwɛnɛre te, a dɛ kaa ba ne seo ta.

Yela 145:20

Nɛra baa dɛ nyin he waa la, he kpɔ nɔn dɛɛ tɔ ba nɛ, kɛ nɛnchɔɡa te, hɛɛ chɔɡ baa.

Yela 23:3

O dɛ tɛ mɛ bokpeɡfala, dɛ tɔ n sie dɛɛ baɡ mɛ ŋwɛnɛdɛɛɡa, o sɔnjen la wa.

Yela 37:28

Waa aa wera dɛ toɡre laanee Korowii ɛɛ nyin, waa nɛra ba wa aa dɔ kasinteŋ laanee ɡel. Korowii ɛɛ kpɔ nɔnee tɔ ba nɛ, saŋ bɛlbwa dɛɛ la, kɛ nyubinikpeɡ tena naanar te, wɛɛ doŋ baa le harɛ la ta.

Yela 37:31

Korowii baa dɛ tomɔ Mmara lɔ ba bambile bini, baa an kpɔe dɛɛ ta bwa.

Yela 66:9

O nyiŋi ya nɛɛ ya ta so le, o ta ɡelɛ ya lɔ naa dɛ chole.

Yela 97:10

Nɛra baa hah wechɔɡa la, Korowii dɛ nyin ba wa. O kpɔ nɔn dɛɛ tɔ o nɛra ba wa aa dɔ kasinteŋ tɛo nɛ, dɛ lɛɛ ba dɛɛ le nyubinikpeɡ tena nɔn ta.

Sɛɡla 8:20

Waa aa toɡraa mɛɛ ɛ, dɛɛ teŋɛ kasinteŋ ta,

Aesaya 35:9

Nyujentena aa belaa do, kpɔɡ bini olchɔɡe bɛlbwa aa ŋwɛnɛ la taa kpɔ. Nɛra Korowii aa lɛɛ ba la ɡbosoo dɛɛ ba o ta kpɔe.

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

1 Samoɛl 2:9

He dɛ tɔ he nɛra ba wa aa toɡra ɡbemɡbe, kɛ nyubinikpeɡ tena te, he dɛ kpoo ba. Nɛn aa won che o bokpeɡa ta ɛ wobɛlbwa.