Sɛɡla 2:7 - mzwDBL

⁷ Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Sɛɡla 2:7 Iomraidhean Croise

Job Tɔn 28:8

Kpɔɡ bini ola ta bela kpɔe bwa, nyujente ta bela laŋɛ bwa.

Yela 144:2

Onee Korowii waa do kɛ danjwɛjen, dɛɛ nyin n waa n chwa baa marɔ. Onee dɛɛ tɔ n nɛ, dɛɛ tɔ mɛ ɡbemɡbe, n chwa baa sɔh o lɔɡa. O ba harɛre nɛra ne harɛ, asɛ ba do n lɔɡa.

Yela 3:4

N wio no Korowii takpeɡ ne, asɛ o no n be o deŋɡare waa do ɡoroŋ la ta.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Sɛɡla 14:8

Wejereme jemɛ waa aa wera kɛ o ɛ. Gɛnee yon dɛɛ neɡre o nyu kɛ o jemɔ.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Sɛɡla 30:5

Korowii dɛ teŋɛ o nyobaɡa ta. O dɛ tɔ nomɛlbwa waa ba o be ɡbemɡbe.

Sɛɡla 8:14

N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

1 Kɔrent 1:19

Ba chwerɛ Korowii Tɔn bini ŋɔ Korowii ŋɔ, “Mɛɛ ɡeloo nɛra wejema ne tɔn jema ɛ pɛɛpɛɛ.”

1 Kɔrent 1:24

Kɛ Juu tena ne Grik tena Korowii aa lee ba ŋɔ bá ba ɛ o nɛra la, Yeesu Kristo waa la ɛ Korowii kpeɡri ne o wejema ba te be.

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

Kolosi 2:3

Korowii wejema aa wola jaɡa dɔe la bwa lɔ Yeesu Kristo be. O nɛɛ ya che dɛ dɔ ɡɛ wejema nɔ.