Sɛɡla 2:21 - mzwDBL

²¹ Nɛra ba wa aa toɡraa dɛɛ ba harɛ nɔ ta soɡa. Banɔ la wechɔɡa aa wola toole ba nɛɛ dɛɛ ba o ta kae.

Sɛɡla 2:21 Iomraidhean Croise

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 42:12

Korowii swee andɛɛɡa tɛo dɛ ɡwaa loɡla la. O berɔ dɔ peera kaɡboŋa fi dɛ anaarɛ, nyoɡmare kaɡboŋa anumɛl, nae baa kpɔa dɛɛ parɛ kaɡboŋ, dɛ keeɡore kaɡboŋ.

Yela 37:11

Nɛra baa pwɛr ba te la, ɛɛ so harɛ la taa, dɛ́ dɔ deŋnesɔɔhna kohona.

Yela 37:18

Korowii jemɛ nɛra wechɔɡa aa wola toole ba nɛɛ wa, baa dɔ harɛ laanee ó ɛ ba kapɛrɛ kon, saŋ bɛlbwa dɛɛ la.

Yela 37:22

Nɛra Korowii aa swee ba andɛɛɡa la, ɛɛ dɔ harɛ laanee, kɛ banɔ la waa taah ba la te, wɛɛ doŋ baa le o ta.

Yela 37:29

Nɛra ba wa aa toɡra la, banee dɛ́ dɔ harɛ la ta so, saŋ bɛlbwa dɛɛ la.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 37:9

Nɛra baa dɔ hwɛɡa Korowii nɛɛ la ɛɛ dɔ harɛɛ dɛ́ so o ta, kɛ nyubinikpeɡ tena te, baa doŋ ba le o ta.

Yela 84:11

Korowiirii dɛɛ tɔ yaa ɡbemɡbe, dɛ ɛ ya kooro waa dɔ jirima. O swee yaa andɛɛɡa, dɛ sune ya nɛ, dɛ tɛ yaa jirima. Nɛra ba wa aa toɡra la, waa ban kondɛɛɡe bɛlbwa vɔmɛ.

Sɛɡla 10:30

Nɛn o wa aa toɡra dɛ́ so deŋnesɔɔhna ta, kɛ nɛnchɔɡe te, baa doŋu le o harɛ ta.

Sɛɡla 28:10

He neɡre nɛndɛɛɡe dɛɛ kaa wechɔɡa ŋwɛnɛ ta naa, a dɛ di he ɡbaɡba. Nɛn wobɛlbwa aa wola toole o nɛɛ la, na som kerekere.