10 He sie ɛɛ piluu, ásɛ he wejema ɡel he sie lɛ.
N dɛ teŋɛ o Mmarare waa do mɛ ta, n kpoŋe o nyoa wobol bini, dɛ ɡwaa n wenyina.
N dɛ soŋe kɛ Korowii sie lɛ yel maa dɛ ɡo nɔ ta, dɛkalkɛ onee dɛɛ tɛ mɛ silɛɛ.
He waa la som n be kohona, a som dɛ ɡwaa tooh kwara.
He Mmarare la do kɛ kwaa a yoɡ aa kpeɡa tɛ mɛ saŋ bɛlbwa ken, anee dɛɛ tɛ mɛ silɛɛ.
N sie lɛo mɛɛ hɛɡre he nyobaɡa la ta, kɛŋɔ nomɛl waa kpaah komɛl o yoɡ aa kpeɡa ken.
N Naa Korowii, n dɛ nyin he Mmarare la kɛrɛdɛ, tɔpere bɛlbwaa mɛɛ lii a wa.
O waa bola dɛ́ pa bole dɔ tɔnɔ, dɛ ɡwaa suuɡaswɛm tenten, a torodi dɛ ɡwaa tohno baa wola komɛlbwa a ta koore.
Aa ɡeloo nɛra baa wola wobɛlbwa jemɛ sie pili, ásɛ toli ne bonɔɔna dɔ wejema.
Nɛn waa dɔ liiree dɔ wejema, ɡɛnee wola wejema liire dɔe.
A wer kɛ he kpɔ do he nyu bini, dɛ́ kpɔ dɛɛ bol wa.
Bɛ wejema vɛh, ásɛ o nyiŋi he nɛ. Nyinu he bambile bwa, ásɛ o kpɔ nɔn tɔ he nɛ.
Korowii Waa Ɛ Kpeɡri Bwa Dɔɔ, haa bol waa n be la, n cheɡ deŋne dɛ́ noa. A ɛɛ mɛ silɛɛ n bambile lawa, dɛkalkɛ henee dɔɔ mɛ.
Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.
