Sɛɡla 18:4 - mzwDBL

⁴ Nɛn nyoa wobol do kɛŋɔ nee waa luŋa ken, wejema leebɔr do kɛŋɔ nee waa dɛ palɛ.

Sɛɡla 18:4 Iomraidhean Croise

Yela 78:2

Mɛɛ kpɔ sɛɡlaa bol waa chaɡle heya, waa nomɛlbwa aa wola jemɛ bwa, le harɛ nɔ mumpar,

Sɛɡla 10:11

Nɛn o wa aa toɡra wobol dɛ́ ba mkpa ne, kɛ nɛnchɔɡe te mur, waa yoi waa bol á le baŋ.

Sɛɡla 13:14

Wejereme webaɡla do kɛ bule dɛɛ tɛ mkpa, a dɛ le nɛn seo ta.

Sɛɡla 16:22

Wejema do kɛ bule dɛɛ tɛ wejereme mkpa, asɛ ɡɛne ɡe deŋnetɛra ɛɛ leo o ɡɛnewaa ta.

Sɛɡla 18:3

Nyubinikpeɡii dɛɛ ba nɛn bɛ bua ne, sihiih ɡe ɛɛ ba ncho dii ne.

Sɛɡla 20:5

Waa aa lɔ nɛn liire bini do kɛŋɔ bule waa luŋa bini nee ken, naate waa dɔ wejema laanee won nee la dɔe.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Amanesoma Jɔn Aa Chwera Tɔn 4:14

Kɛ nomɛlbwa waa nyɔ nee maa dɛ tɛo la te, nyɔɡre aa on kpo bwa. Nee maa tɛo la ɛɛ ɛo kɛŋɔ bule aa lɔ naate bini dɛɛ bule nee aa dɛ tɛ mkpa aa wola jaɡa dɔe bwa.”

Kolosi 3:16

Hé ɡel Yeesu Kristo waa la do he bambile bini kɛrɛdɛ hɛ́ɛ baɡle dɔŋa, dɛ́ɛ ja ba wejema bwa ne, dɛ́ ɡo wesoŋa yela ne kpɛɛra yela dɛ́ɛ jam Korowii he bambile bwa.

Kolosi 4:6

Hé ɡel he wobol do som dɛ́ɛ lɛ sie saŋ bɛlbwa, dɛ ba pɛɛ heyaa wobɛlbwa naa, hé won jemɛ ɡɛ aa chɛ kɛ he bol.