Sɛɡla 17:3 - mzwDBL

³ Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Sɛɡla 17:3 Iomraidhean Croise

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

Job Tɔn 23:10

Kɛ o jemɛ ŋwɛnɛ maa dɛ kpɔ o ta, o daah mɛɛ na naa, mɛɛ do werii, kɛŋɔ suuɡaswɛm baa doo nii ta.

Job Tɔn 28:1

Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.

Yela 139:23

N Naa Korowii, pese mɛ kɛrɛdɛ, dɛ́ jemɛ n liire, daah mɛ na, dɛ́ jemɛ n nyu bini.

Yela 26:2

N Naa Korowii, nyiŋi n bini, dɛ́ daah mɛ na dɛ́ pese n we-ɛɛla ne n liire.

Yela 66:10

N Naa Korowii, he daah yaa na kɛŋɔ ba yon kpɔ suuɡapoŋ do nii ta, dɛ laa o doŋa bɛlbwa kpɔ o ta la ken.

Sɛɡla 15:11

Korowii dɛ na lalbɔɔ ne lalabwɛɛ waa bwa, a ta do kɛŋɔ nɛwɛnyini bambile bini.

Sɛɡla 16:2

Nɛwɛnyini dɛ lii kɛŋɔ o we-ɛɛla wer o be, kɛ Korowiirii dɛɛ nyiŋi a bini.

Sɛɡla 17:2

Yom waa jemɛ waa la, dɛ nyiŋi o dɔɔ bie o wa aa wola kɛrɛdɛ doe nɛ, o dɛ dɔ kapɛrɛ kwaa aa ɛ bii la kwaa la ane.

Sɛɡla 21:2

Nɛwɛnyini dɛ lii kɛŋɔ o wobɛlbwa toɡrɔ o be, kɛ Korowiirii dɛɛ nyiŋi a bini.

Sɛɡla 27:21

Nii taa ba kpɔ suuɡapoŋ ne suuɡaswɛm do dɛ́ jemɛ kɛ a wer, ɡɛɛ a che nɛn kpɛɛra ta, baa jemɛ o nɛnsoo.

Aesaya 48:10

N do heyaa weweele ta, dɛ daah heyaa na, kɛŋɔ ba yon do suuɡapoŋ nii ta dɛ mwɛɛlo la. Kɛ n nao kɛŋɔ haa siwi su.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Ɛsekeɛl 22:18

“Nɛwɛnyini bie, Israel tena waa ta tɔnɔ bɛlbwa dɔe dɛ tɛ mɛ kɛŋɔ ba yon kpɔ suuɡapoŋ do nii ta, dɛ mwɛɛlo asɛ ayaawa ne buni, dɛ kpana yon le a ta kɛ doŋa aa wola tɔnɔ dɔe la. Gɛɛ Israel tena ɛ doŋa tɛ mɛ.

Daneɛl 11:35

Baa kpoo ba bini wejerema la banee, ásɛ a che a ta Korowii laa doŋa kpɔ ba nɛɛ dɛ́ lɛɛ ba, ka tel waa bwa jaɡa saŋ waa lea cheɡ ŋɔ wɛɛ bao la.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.