Sɛɡla 16:7 - mzwDBL

⁷ Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 16:7 Iomraidhean Croise

Mumpar 27:41

Gɛ Jekɔb aa neɡre o mɛɛ o soŋe andɛɛɡa tɛo la, Esɔ haoh. O lii o nyu bini ŋɔ, “Aa biɡri bɛlbwa n mɛɛ sewɛ. Ba baa ɛ o lwe tonaa, ásɛ n kpo Jekɔb.”

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Mumpar 33:4

Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi.

2 Webena 17:10

Korowii kpɔ ɔmee ta harɛre aa bar Juda la nɛ kɛŋɔ, bá la ka yo Kooro Jehosafat laa.

2 Webena 20:30

Anee ɡela Kooro Jehosafat dɔ deŋnesɔɔhna o harɛ waa dɛ di kora o ta, dɛkalkɛ Korowii waa dɛ tomɔ ja o nɛ ŋwɛnɛ bɛlbwa ta.

Ɛsra 8:36

Ba berɔ kpɔ tɔn koojen la fa aa kpɔa tɛɛ ba la tɛ nomonome baa dɛ nyiŋi harɛre aa lɔ Yufretis Moo wee cholibɔr harɛ, ne o nomonome bwa, asɛ ba cha nɛra la ne Korowii Dea toma la.

Yela 69:31

Anee dɛ su o siwi dɛ́ ɡwaa, kɛ baa kpɔ nabal baa sao ɛ saraha tɛo, a ɡwaa kɛ baa kpo nabal waa kpeɡa kɛrɛdɛ tɛo.

Kaala 3:21

Mɛɛ ɡeloo ba siwi su heya, ásɛ dɛ he ba dɛ kaa laa, he bɛ nɔŋɡbala kpɔ kaa.

Sɛɡla 16:8

Ŋwɛnɛdɛɛɡe ta cheɡa dɔ kontama wer, ɡwaa kɛŋɔ haa kpɔ ŋwɛnɛchɔɡe ta, dɛ dɔa kohona.

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Jeremia 15:11

Korowii ŋɔ, “Kasinteŋ, mɛɛ lɛ heyaa, ásɛ wobɛlbwa maɡre tɛ heya, dɛ́ ɡel he dɔma ba ɡuŋi heyaa harɛ, he wenaale ne suna dii tɔpera ta.

Jeremia 39:12

“Kpɔɔ kaa dɛ́ kaa nyiŋi o nɛ, dɛɛ berɛ on hɔhɔrɔwa bɛlbwa ɛɛ, kɛ wobɛlbwa waa dɛ nyin la, ɛ tɛo.”

Jeremia 42:12

Mɛɛ dɔ tedomaa tɛ heya, ásɛ dɛ ɡel Babelɔn kooro ɡe dɔ tedoma he nɛ, dɛ́ berɛ ba he ne he harɛ ta ja. Men Korowiirii bola.’

Daneɛl 1:9

Korowii ɡelɔ koodem nomoa la na Daneɛl sum dɛ chao,

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Kolosi 1:10

dɛ́ won do ɡɛ aa chɛ kɛ ya Dɔɔ torome do, he wobɛlbwa won su o siwi, he won dɛ́ɛ ɛ wedɛɛɡa bwa soo siwi, dɛ́ won jemɛ Korowii kohona,

Kolosi 3:20

Bechale, hɛ́ɛ no he nyare ne he mɛɛnanar waa saŋ bɛlbwa, dɛkalkɛŋɔ ɡɛɛ dɛɛ lɛ Korowii sie.

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

1 Pita 3:13

He siwi swɛɛ wedɛɛɡa ɛɛ ta naa, umee dɛɛ ba he hae yɔ?

1 Jɔn 3:22

Komɛlbwa yaa soŋo la, o dɛ tɛ yaa, dɛkalkɛ ya dɛ no o waa dɛɛ ɛ anɔ la aa dɛ su o siwi.