Sɛɡla 16:6 - mzwDBL

⁶ Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 16:6 Iomraidhean Croise

Mumpar 20:11

Asɛ Abraham chaŋe ŋɔ, “N liiro kɛŋɔ nomɛlbwa toole dɛɛ ɔmɛ Korowii baah bonɔ. Dɛ n dɛ ɔmɛ kɛŋɔ baa koh n haah waa dɛ́ kpo mɛ.

Nehemia 5:15

Nomonome baa tɔ n sie nyiŋi Juda harɛ ta mɔɔ la ɛɡre Juda harɛ ta nɛra dɛ lɛ suuɡapoŋa fifraanaarɛ, dɛ kondikwaa ne sen. Hale ba bonɔɔna ɡba fiiɡi nɛra la. Kɛ n te, ɔma maa dɛ ɔmɛ Korowii nomanta, n ta ɡɛ ɛɛ.

Nehemia 5:9

N berɔ ŋɔ ba be ŋɔ, “Gɛ haa dɛ ɛ nɔ aa were. A chɛ kɛŋɔ hé ɔmɛ Korowii dɛ́ ɛ wa aa toɡra. Ásɛ dɛ bɛ nɛra baa wola Juu tena ɛɛ dɛ ɛ ya dɔma la ŋwɛnɛ tɛ, bá ba mamɛ yaa.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 85:10

Korowii nyina ne o kasinteŋ do kɛŋɔ nɛra banɛ aa chema ken, asɛ waa aa toɡra ne deŋnesɔɔhna ɡe ɛ beŋkpoŋ.

Kaala 1:17

Haahna la baa dɛ lɛ haahna lol la dɛ ɔmɛ Korowii, anomanta, ba ta ɡɛ Ijipt kooro aa ŋɔ ba be la ta teŋɛ. Ba ɡelɔ bii la do le.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 14:2

Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 14:27

Korowii ɔma do kɛ bule waa dɛ tɛ mkpa, anee dɛɛ le nɛn seo ŋwɛnɛre ta.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Sɛɡla 20:28

Nyina ne kasinteŋ ɡelɔ Kooro ɛɛ biɡri, nyina taa a che o kora ɛɛ che.

Sɛɡla 3:3

Bɛ ɡel Korowii nyina ne nɛnnyin dɛ kasinteŋ paŋɛ. Kpɔa ɛ kɛŋɔ baŋa kon, ɡel a ɛ he bambile wa.

Sɛɡla 3:7

Bɛ he te wejereme kohona dɛɛ lii, ɔmɛ Korowii, dɛ ke he te wechɔɡa ta.

Sɛɡla 8:13

Nomɛlbwa waa dɛ ɔmɛ Korowii kii wechɔɡa, anomanta, n kii mbarafo ne maŋkurae we-ɛɛla, ne wechɔɡa ŋwɛnɛre, dɛ nyosone.

Daneɛl 4:24

N naa kooro, deera la munii la. Gɛɛ Nemenɛ Korowii ŋɔ aa chiɡ he nɛɛ.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Lewi Dea Tena 25:17

Hɛ́ɛ ɔmɛ Korowii dɛ́ɛ berɛ dɔŋa faahra. Men Korowiirii bola.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Ɛfesos 5:21

Hé bwa ɛɛ no dɔŋa be ɔma haa dɛ ɔmɛ Yeesu Kristo la nomanta.

Mmarare 30:13

Kɛɛ mpo baŋ ásɛ he bɔɔ ŋɔ, ‘Umee dɛ́ ka kpɔ ba tɛ yaa ásɛ ya teŋɛ a ta nɔ?’

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,