Sɛɡla 16:4 - mzwDBL

⁴ Wobɛlbwa Korowii aa ɛ la, dɛ waane waa dɛ nyin waa o ɛa. O ɡelɔ wechɔɡ-ɛɛra ɛɛ so le, ka tel saŋ baa dɔ deŋnetɛra.

Sɛɡla 16:4 Iomraidhean Croise

Mumpar 1:31

Anɔ bwa habɔɔ la, Korowii nyiŋi kwaa waa taa la bwa dɛ na kɛŋɔ a bwa wer kɛrɛdɛ. Asɛ bɔr jo dɛ chaah, onee tɔpere waa teŋa numɛl.

Job Tɔn 15:23

ásɛ kɔkɔsakire di ba ola. Ba jemɔ kɛ ba seo tɔpere dɛ́ tel.

Job Tɔn 21:30

Korowii laa wechɔɡ-ɛɛra daa le, awola waa ba tɛr nɛra deŋne, wɛɛ ɡel ba tenee awola waa ba kembɔr ne la.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Sɛɡla 16:5

Korowii hah nɛn waa dɛ ɛ mbarafo, kpelaa, naate ɛɛ di bolchɔɡee dɛ́ dɔ deŋnetɛra.

Wejereme 3:11

O ɡelɔ komɛlbwa do wer o saŋ ta. O ɡelɔ ya jemɛ ya liire bini waa aa lole saŋ la, ne anɔ la aa chiɡ kerekere saŋ bɛlbwa dɛɛ la, kɛ yaa won no waa bwa Korowii aa ɛa le mumpar kaa a jaɡa mun.

Aesaya 43:21

N ta ɡɛ nɛra nɔ bá ɛ n nɛra, dɛ́ ɡo yela dɛɛ kpɛɛ mɛ.”

Aesaya 43:7

ba ɛ n nɛra, menee ta ba, ba kpɔ jirima dɛɛ tɛ mɛ.”

Tɔn Pɔɔl Aa Chwerɛ Rom Tena 11:36

O ta nomɛlbwa kem dii, dɛkalkɛŋɔ on ta kon te bɛlbwa. O nɛɛ komɛlbwa che dɛ do le, o waa ɡee a do le. O chɛ jirima saŋ bɛlbwa. Aamen.

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”