Sɛɡla 16:2 - mzwDBL

² Nɛwɛnyini dɛ lii kɛŋɔ o we-ɛɛla wer o be, kɛ Korowiirii dɛɛ nyiŋi a bini.

Sɛɡla 16:2 Iomraidhean Croise

Yela 36:2

Ba dɛ lii ba nyu bini kɛŋɔ ba ɛ nɛnjena nomanta, Korowii aa ba wechɔɡa baa dɛ ɛ la nae ba, dɛ́ pa ba bolchɔɡe.

Sɛɡla 12:15

Gɛnee yon dɛɛ lii kɛŋɔ o wobɛlbwa wer, kɛ nɛn waa lɛ o dɔŋ waa dɛɛ ja o kwaa ta laanee wejereme.

Sɛɡla 16:25

Nɛwɛnyini dɛ lii kɛŋɔ o soɡa waa soɡa la ken wer, kɛ dɛ aa were, o ka tona la ɛ seo.

Sɛɡla 17:3

Niinii ba kpɔ dɛɛ jemɛ suuɡapoŋ ne suuɡaswɛm kɛŋɔ a wer, ɡɛɛ Korowii ɡe ɛɛ nyiŋi bambile bini.

Sɛɡla 21:2

Nɛwɛnyini dɛ lii kɛŋɔ o wobɛlbwa toɡrɔ o be, kɛ Korowiirii dɛɛ nyiŋi a bini.

Sɛɡla 24:12

Bɛ sie laa kpɔ waane ta, dɛ́ ŋɔ he waane laa. Korowiirii jemɛ bambile bɛlbwa wa. Wɛɛ bɔ bɛlbwa kemee ɡɛ waa ɛa.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Sɛɡla 5:21

Korowii dɛ na wobɛlbwa haa dɛ ɛ, o jemɛ he vala bini bwa.

Aesaya 26:7

N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Daneɛl 5:27

Tekel munii kɛŋɔ, ba kpɔe chɔŋɛ kon baa kpɔa dɛɛ maɡɛ kwaa ta, dɛ na kɛ haa tɔɡɛ.

Nɛra Kura 22:32

Korowii nyundua torome la bɔɔro ŋɔ, “Ɛrɛɛ he lɔɔ he keeɡo nɔ kera atoro bwa ken? Na, n balɔ dɛ́ ba tɔe ŋwɛnɛ dɛkalkɛŋɔ n ta hen ŋwɛnɛ tɛɛ kɛŋɔ he la Moab harɛ ta.

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Wepila 2:18

Tɔn nɔ dɛ kaa nyundua torome waa cheɡa tɛ asɔre tena baa lɔ Tiatra la be. “Kenii men maa ɛ Korowii Bie, dɛ dɔ sibie a do kɛŋɔ ninlao, dɛ dɔ nakpale kɛŋɔ ayaawa la ŋɔ,

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Sitɔɔla 17:6

Gɛ saŋ dɛ Israel tena ta kooro dɔe, asɛ bɛlbwa ɛɛ ɛ waa waa dɛ nyin.

Sitɔɔla 7:6

Baala lafraatoroo lɔ nee ta nyoa. Banɔ la baa kaa la te bwa, ɡuŋaa ba ɡuŋi dɛ kpɔ nyoa pi nyɔ.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.