Sɛɡla 16:1 - mzwDBL

¹ Nɛwɛnyinii dɛɛ maɡle wa, asɛ Korowii ɛɛ baɡle ɡɛ haa bola a do wer.

Sɛɡla 16:1 Iomraidhean Croise

2 Samoɛl 7:5

ó ir la ka ŋɔ o bonɔɔ Devid be ŋɔ, “Henee dɛ́ do dea tɛ mɛ n ba so o bini naa?

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Job Tɔn 17:11

N soɡa bini tɔpera tonɔ, n waa maa maɡla bil ɡe chɔɡ, n hwɛɡa ɡe tonɛ.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

Yela 119:36

Gel mɛɛ nyin he waa ta teŋa ta, ɡwaa kɛŋɔ maa dɔ kwa.

Kaala 4:15

Bol ɡɛ bwa haa dɛ nyin bola bwa do o nyoa. Mɛɛ cha heyaa he bol wa, dɛ́ baɡle heya ɡɛ bwa haa ɛ.

Sɛɡla 15:33

Nɛn waa dɛ ɔmɛ Korowii la dɛ jemɛ wa, he ta he te pwɛraa, haa jirima dɔ.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

Sɛɡla 20:24

Korowiirii kpɔ ya nakpale ɛɛ cheɡ bela waa wera, ɛrɛɛ nɛn ɛɛ ba wona jemɛ o vala bini nɔ?

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Jeremia 10:23

N Naa Korowii, nomɛlbwa ta o nyokala kpeɡri dɔe, bɛlbwa ɡe aa won jemɛ o soɡa waa bini.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.