Sɛɡla 15:7 - mzwDBL

⁷ Wejerema wobol dɛ tɛ wejema, Gɛne wobolee wola won wobɛlbwa tɛ.

Sɛɡla 15:7 Iomraidhean Croise

Yela 119:13

Mɛɛ dɛɛ bol he waa haa kpɔa baɡ mɛ laanee nɛra be.

Yela 37:30

Nɛra ba wa aa toɡra nyoa wejemwaa do, ba nyoa waa aa wera ne kasinteŋ do.

Yela 45:2

Henee wera kohona, baala bwa bini, he nyoa jemɛ wobol ɡe, dɛkalkɛ Korowii sweere andɛɛɡa saŋ bɛlbwa dɛɛ la.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 15:6

Nɛn o wa aa toɡraa dɛɛ dɔ kondɔɔh o dem, kɛ nɛnchɔɡa kwaa dɔe dɛ tɛɛ ba wa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Sɛɡla 16:23

Wejeremee lii waa mɔɔ dɛɛ bol, o wobol ɡelɔ nɛra sɛh dɛɛ ba o be.

Sɛɡla 5:2

Ásɛ dɛ che a ta dɔ dadɛɛɡe, ásɛ he wobol baɡle kɛŋɔ he dɔ wejema.

Wejereme 10:2

Wejereme bɛlbwa bambile cheɡɛ waa aa toɡra ta, kɛ ɡɛne te, wedoŋa ɡboo lɔ o bambile ta.

Yelsom 4:11

N sɛnodɛɛɡe, he nyoa nee som kɛ tohnoo ken, wobosoma lɔ he nyoa, he yale sɔɔh som kɛŋɔ Lɛbanɔn yale.

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Matiu 12:34

Nɛnchɔɡa kɛ harɛkwa bii! Wechɔɡa ɡbo aa su he bini nɔ, wobodɛɛɡa ɛɛ wonoo le he nyoa ta naa? Waa aa lɔ nɛn bambile ta laanee o nyoa ɛɛ bol.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Ɛfesos 4:29

He bɛ ɡel wedoŋa bɛlbwa ɛɛ le he nyoo, kɛ hé ɡel he wobol ɛ waa aa wera dɛɛ do nɛra ɡbemba waa aa kpoŋ ba ta, dɛ won cha banɔ la baa dɛ noa la.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.