Sɛɡla 15:12 - mzwDBL

¹² Nɛn waa dɛ muɡli nɛra baah la, aa nɛn waa jao la waa nyin, waa nɛn waa jemɛ waa la be la.

Sɛɡla 15:12 Iomraidhean Croise

2 Webena 18:7

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Job Tɔn 21:14

Ane a bwa, ba dɛ bol Korowii be ŋɔ, ‘Gel ya so ya soɡa jeiih ken! Yaa he waa la nyin dɛɛ teŋɛ a ta.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Sɛɡla 13:1

Bechawejeremee dɛɛ no waa o mɛɛ aa dɛ doo a ta, kɛ deŋnekpeɡ te te, waa o wechɔɡa sɛh.

Sɛɡla 14:6

Nɛn waa dɛ mamɛ wejemwaa la aa waa jemɛ, kɛ nɛn waa dɛ no waa mun te, dɛ́ jemɛ waa warane.

Sɛɡla 15:10

He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,