Sɛɡla 15:10 - mzwDBL

¹⁰ He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Sɛɡla 15:10 Iomraidhean Croise

1 Koranar 18:17

Kooro Ahab aa baa na Elaeja la, Kooro ŋɔ, “Nɛn haa ba waa ne ba ta Israel harɛ ta laanee nɔ naa!”

1 Koranar 21:20

Kooro Ahab na Elaeja dɛ ŋɔ o be ŋɔ, “N dɔm, he na mɛ.” Elaeja ŋɔ, “Gɛɛ, he ta he nyu dɛ ɛ wechɔɡa Korowii siwi ta.

1 Koranar 22:8

Anee Kooro Ahab chaŋe ŋɔ, “Korowii keame beŋkpoŋ bɛl lole. Onee Imla bibaa Mikaya. Kɛ n ne waa somɛ, dɛkalkɛ o ta wobɛlbwa nae le Korowii be dɛ tɛ mɛ a ɛ wedɛɛɡa tɛ mɛ bwa, atane wechɔɡa ɡbo.” Kooro Jehosafat ŋɔ, “N naa kooro, bɛ ɡɛ ŋɔ.”

Job Tɔn 34:27

dɛkalkɛ ba laa ba te kpɔ, dɛ vɛh o nɛɛ teŋa, baa sie aa o Mmarare la ta do.

Yela 50:17

He hah waa maa do heyaa a ta la, dɛ kpɔa ta habɔɔ.

Sɛɡla 1:25

Haa waa maa dɛ ja heyaa a waa la nyin, he vɛh waa maa bola dɛɛ baɡle heyaa la ɡe.

Sɛɡla 1:30

Hé ta waa maa dɛ ja heyaa la ta teŋɛ, he vɛh kaeh maa kah heyaa la nɛra bwa siwi ta.

Sɛɡla 10:17

Nɛn waa cheɡ deŋne dɛɛ no jae la dɛ́ biɡri, kɛ onɔ la waa wola o wechɔɡa sɛh la dɛ́ dɔ wa.

Sɛɡla 12:1

Nomɛlbwa waa dɛ nyin o jemɛ waa la dɛ sɛh chɔɡre. Gɛnee wola sɛh kɛ ba baɡlo wa.

Sɛɡla 13:1

Bechawejeremee dɛɛ no waa o mɛɛ aa dɛ doo a ta, kɛ deŋnekpeɡ te te, waa o wechɔɡa sɛh.

Sɛɡla 15:11

Korowii dɛ na lalbɔɔ ne lalabwɛɛ waa bwa, a ta do kɛŋɔ nɛwɛnyini bambile bini.

Sɛɡla 15:9

Korowii hah nɛnchɔɡa we-ɛɛla, O dɛ nyin nɛra baa dɛ teŋɛ waa aa toɡra ta.

Sɛɡla 23:35

Hɛɛ boloo ŋɔ, “Ba lɔ mɛ, kɛ ba ta men bol doe.” Dɛ berɛ ŋɔ, “Ba lɔɔ mɛ, kɛ maa jemɛ. Saŋ besoo mɛɛ ba ira dɛ́ ka nyin sen nyɔ jaɔ?”

Sɛɡla 5:12

ásɛ he ba ŋɔ, “N deŋnekpeɡ ne n waa bɛ noe, ne n bambikpeɡii tɛ mɛ.

Jeremia 2:17

Haa vɛh men Korowii haa dɛ tom mɛ, ɡɛ saŋ maa tɔ he sie kpɔ heyaa dɛɛ kaa la, a waa laa ɡɛ waa nɔ bwa ba he nɛɛ nɔ naa?

Ɛsekeɛl 33:9

Dɛ he kaoh o ta a ta leɛ yaa, wɛɛ sewɛ o wechɔɡa la taa, kɛ he te ɛɛ dɔ he nyuu.”

Amanesoma Jɔn Aa Chwera Tɔn 3:20

Nomɛlbwa waa dɛ ɛ wechɔɡa la, waa bochaah nyin, dɛkalkɛŋɔ o le bochaah ta naa, nɛra ɛɛ na o wechɔɡa laanee.

Amanesoma Jɔn Aa Chwera Tɔn 7:7

Heyaa harɛ nɔ ta nɛra aa wola haeh, kɛ ba hah n te, dɛkalkɛ saŋ bɛlbwaa mɛɛ bol ŋɔ ba we-ɛɛla aa were.