Sɛɡla 15:1 - mzwDBL

¹ Tahaah dɛ sɔɔh bandia, takpeɡ ɡe ɛɛ ir bwaawee.

Sɛɡla 15:1 Iomraidhean Croise

2 Samoɛl 19:43

Asɛ Israel laa tena la chaŋ ba ŋɔ, “Ya dɔ kooro baŋne fi bwa. A habɔɔ ya ne o pɛo ɡwaa kɛ he ne waa doa. Ɛrɛ waa hɛɛ nyiŋi ya nyubaahna nɔɔ? Ya laa tɔ sie bol kooro ka kpɔe dɛ́ ba wa aa?” Kɛ Juda laa tena la chaŋɔ bandia kohona ne, dɛ ɡwaa Israel baala la kwara.

1 Koranar 12:7

Anee ba ŋɔ, “Dɛ he sɛoh kɛŋɔ hɛɛ dɛɛ tom baa dɛ sɛh dɛɛ bol wedɛɛɡa ba be tenaa, ate baa tomɛɛ saŋ bɛlbwaa.”

2 Webena 10:7

Anee ba ŋɔ, “Dɛ he sɛoh kɛŋɔ hɛɛ dɛɛ tom baa dɛ sɛh dɛɛ bol wedɛɛɡa ba be tenaa, ate baa tomɛɛ saŋ bɛlbwaa.”

Job Tɔn 41:3

Wɛɛ teŋɔɔ dɛɛ soŋe wobopwɛra ne ŋɔ hé na o sum aa?

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 15:18

Nɛn o baah aa dɛ di warane la dɛ ba naɡra ne, kɛ nɛn waa dɔ bambile te dɛ sɔɔh waa nyoa.

Sɛɡla 25:15

Bambile dɔe ne tahaah won nomonjen liire bera, ɡɛɛ a won wekpeɡa ɡe sɔɔhna.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Sɛɡla 29:22

Nɛn o baah aa dɛ di warawara la, dɛ ba naɡra ne. Nɛn o baah aa dɛ di kohona dɛ ba wechɔɡa ne taeh.

Sɛɡla 29:8

Wejeremee won waa larawa, kɛ bammuɡli nɛn te won waa ne bwɛjen ta bala.

We-ɛɛla 19:41

Waa bol waa nɔ ɡɛ la, o ɡelɔ nɛra la peɡre.