Sɛɡla 14:3 - mzwDBL

³ Gɛne mbarafo wobol taa a che wɛɛ dɔ deŋnetɛra, asɛ wejereme wobol ɡe ɛɛ leo waa ta.

Sɛɡla 14:3 Iomraidhean Croise

Job Tɔn 5:21

Wɛɛ lɛɛ le chɔɡa nɛra aa dɛ chɔɡe ta, wekpeɡa dɛ ba he nɛ aa, bɛ ɔmɛ, wɛɛ kpɔ nɔnee tɔ he nɛ.

Yela 12:3

N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

Yela 31:18

Gel nyosonteŋna la nyoa sɔɔh, mbarafo tena baa wola waa bu, dɛ bol wobochɔɡa dɛɛ yaɡɛ nɛra ba wa aa toɡra la.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Sɛɡla 12:6

Nɛnchɔɡe wobol do kɛŋɔ nɛn aa sɔah dɛɛ nyin o dɔŋ dɛ́ kpo, kɛ nɛn o wa aa toɡra wobol dɛ́ lɛ nɛra.

Sɛɡla 13:3

He jemɛ he wobol nyiŋaa, he laa he te dɛɛ kpɔ waa ta, kɛ nɛra baa bol waa baa wola liire a ta do la, dɛ chɔɡ ba te.

Sɛɡla 14:4

Bela baa kpɔ nae dɛɛ parɛ la, dɛ nae toole naa, kondikwa aa le do. Kɛ nae lɔ bela tenaa, kondikwaa dɛ bu.

Sɛɡla 18:6

Gɛne wobol dɛ ba naɡra ne, o nyoa wobolee ɡela baa lɔɔro.

Sɛɡla 18:7

Gɛne wobolee dɛɛ chɔɡo, o nyoa dɛɛ doo waa ta.

Sɛɡla 21:24

Nomɛlbwa waa dɛ maŋkura o te la dɛ́ ɛ mbarafo. O ɛ bammuɡli nɛn o we-ɛɛla ɛɛ ɡwaa kohona.

Sɛɡla 22:8

Nomɛlbwa waa dɛ ɛ wechɔɡa la dɛ na a wa, nɛra waa dɛ ɛɛ ba hɔhɔrɔwa la dɛ ba a jaɡa.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Daneɛl 7:20

N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

1 Samoɛl 2:3

Gel mbarafo wobol bola, bɛ wobosale dɛɛ bol. Hen Korowii te, he jemɛ wobɛlbwa, he jemɛ wobɛlbwa nɛn aa dɛ ɛ, dɛɛ pa a bole.