Sɛɡla 14:2 - mzwDBL

² Nɛn o wa aa toɡra laanee dɛɛ ɔmɛ Korowii, kɛ nɛn waa dɛ neɡre nɛraa wola Korowii kpɔe dɛɛ ɛ wobɛlbwa.

Sɛɡla 14:2 Iomraidhean Croise

2 Samoɛl 12:9

Ɛrɛɛ he vɛh men Korowii waa maa doe a ta dɛ ɛ wechɔɡa ɡɛ nɔɔ? He ɡelɔ ba kpo Uria Hiti te la, asɛ he kpɔ o haah mo. Amɔn tena nɔn taa he kpɔɔ do, dɛ ɡel ba kpoo laa ta.

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

2 Koranar 17:34

Ba ta dɛ ɛ ɡɛ waa la ba le fini. Baa Korowii tomɛ kasinteŋ ne, kɛɛ dɛɛ teŋɛ o Mmarare ne waa waa do ba a ta, dɛ kpɔa tɛ Jekɔb baa bera dɛɛ yerɔ Israel la naanar.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Yela 112:1

Hé kpɛɛ Korowii! Nomɛlbwa waa dɛ tomɛ Korowii, o sie ɛɛ lɛ o Mmarare ta kohona la, o na som.

Yela 25:21

N dɛ soŋe, ɡel kasinteŋ ne wedɛɛɡa ɛɛ tɔ n nɛ, he nɛɛ n kpɔ n te dawɛ.

Sɛɡla 11:12

A ɛ ɡɛnewaa kɛŋɔ he muɡli he dɔŋ baah, kɛ he jemɛ waa tenaa, he dɛ lawɛ he nyoa.

Sɛɡla 16:17

Nɛn o wa aa toɡra la dɛ ke wechɔɡa o vala bini, nomɛlbwa waa dɛ nyiŋi o vala bini la, dɛ dɔ o nyu.

Sɛɡla 16:6

Nyina ne kasinteŋ taa wechɔɡa kpɔe dɛ kɛ do. Korowii ɔma ɡe taa nɛn che dɛɛ ke wechɔɡa.

Sɛɡla 19:1

Nyaa o bwara aa wola wechɔɡe bɛlbwa dɔe la, ɡwaa nyosonteŋni waa ɡɛna.

Sɛɡla 2:15

Ba ɛ nɛra ba wa aa wola sie chɔ, dɛ ɛ nɛra baa wola ba nɛɛ hwɛɡɛ. Ba waa bwaa kɛ baa neɡre nɛra.

Sɛɡla 28:6

Nyaa o wa aa dɔ kasinteŋ la, o bɔ suuɡa te o wa aa doŋa.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Amanesoma Luk Aa Chwera Tɔn 10:16

Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 16:14

Farisii tena la aa no ɡɛ la, ba chwee Yeesu, dɛkalkɛ dɛ ba dɛ nyin suuɡa taeh.

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

We-ɛɛla 10:35

Kɛ harɛ bɛlbwa ta la, nomɛlbwa waa dɛ ɔmɛ Korowii dɛ jemɔ la, Korowii sie dɛ lɛ o nɛ.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.