Sɛɡla 13:16 - mzwDBL

¹⁶ Wejereme bɛlbwa dɛ lii waa mɔɔ dɛɛ ɛa, kɛ ɡɛne te ɡelɔ baa na o ɡɛna.

Sɛɡla 13:16 Iomraidhean Croise

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Sɛɡla 14:33

Nɛn waa dɔ liiree dɔ wejema, ɡɛnee wola wejema liire dɔe.

Sɛɡla 15:2

Wejereme wobol ɡelɔ wejema ɛɛ dɔ pɛla, ɡɛne ɡee dɛɛ bol waa warawara, wejema aa wola toole a ta.

Sɛɡla 18:2

Gɛne waane laa waa mun noe, o waa bwaa kɛŋɔ o ɡe baɡle o wejema.

Sɛɡla 21:24

Nomɛlbwa waa dɛ maŋkura o te la dɛ́ ɛ mbarafo. O ɛ bammuɡli nɛn o we-ɛɛla ɛɛ ɡwaa kohona.

Wejereme 10:13

Gɛne bol wa aa, a ɛ ɡɛne wobol, a tona bini do kɛ choɡla te wobol.

Wejereme 10:3

Hale o kpɔ ŋwɛnɛ ta dɛɛ kaa kwaraa naa, o ta liire bɛlbwa dɔe, a ɡel nɛra bwa na o ɡɛna waa ɡɛna.

Aesaya 52:13

Korowii ŋɔ, “N bonɔɔ ɛɛ won ɛ toma maa kpɔa do o nɔn ta la tonɛ, baa duuruu taeh, dɛ́ ɡel o sɔn le.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Tɔn Pɔɔl Aa Chwerɛ Rom Tena 16:19

Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Ɛfesos 5:17

Hé ɡel he nfɛrɛ nyae la, dɛ́ jemɛ waa Korowii aa dɛ nyin la kɛrɛdɛ.

1 Samoɛl 25:17

Kpɔ ɡɛ waa nɔ liire, dɛ́ na ɡɛ haa dɛ ba wona ɛ, dɛkalkɛŋɔ wenaale dɛ ba n nomoa Nabal ne o dem tena bwa nɛ. O bambile kpeɡri kɛŋɔ nɛn bol waa ó no a mun.”

1 Samoɛl 25:25

N dɔɔ, laa sie kpɔ nyubinikpeɡ te Nabal nɔ nɛ. O deno do kɛŋɔ o sɔn aa doa baa yerɔ ɡɛne nɔ. Kɛ men maa ɛ he tolo te, n ta bonɔɔna haa tom ba la nae.