Sɛɡla 13:12 - mzwDBL

¹² He hwɛɡɛ kon ta, dɛ he ta dɔe yaa, he bambilee dɛɛ chɔɡ, kɛ he hwɛɡɛ komɛl ta dɛ dɔ aa, he sie dɛ lɛ.

Sɛɡla 13:12 Iomraidhean Croise

Mumpar 46:30

Belaa Jekɔb ŋɔ Josef be ŋɔ, “Taraken maa nae dɛ jemɛ kɛŋɔ he ta soɡe le nɔ, mɛɛ won sewɛ name.”

Nehemia 2:2

Anomanta, koojen la bɔɔ mɛ ŋɔ, “He bwara aa hen we, aah bɔkwa waa ɡela he waa do sum he tea bini chɔɡ ken?” Ate, dɛ n dɛ ɔmɛ kɛrɛdɛ.

Yela 143:7

N Naa Korowii, chaŋ mɛ warane, dɛkalkɛ n hwɛɡa bwa tonɔ. Bɛ sie laa kpɔ n nɛ, ɡɛ laa aa, mɛɛ doo kɛŋɔ nɛra baa serewa kaa lalabwɛɛ ken.

Yela 17:15

N waa aa toɡra nomanta, mɛɛ nae, n chɔɔ ir aa, n sie ɛɛ lɛo kohona, ń na ɡɛ haa doa.

Yela 69:3

N wio noe ŋɔ hé ba cha mɛ, dɛ ba koh, n lobi bwa holɔ. N nyiŋi he siwi ta, he ba cha mɛ kahonɛ.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 13:11

Ŋwɛɛ ŋwɛnɛ waa kpɔ o ta dɛɛ dɔ kwaa la, ɡelɔ aa kaa kɛŋɔ peu ken. Bɔwɔb kweena dɛ́ dɔ kwaa ɡe ɡelɔ a che dɛɛ warɛ.

Sɛɡla 13:13

He ɡelɔ wedɛɛɡa kpɔ he deŋna habɔɔ kaa laa, waa he nyin dɛɛ dawɛ he nɛ, kɛ he teŋɛ a ta naa, he bwara dɛ sɔɔhne.

Sɛɡla 13:19

Na ɡɛ aa dɛ do som kɛ haa dɔ ɡɛ haa dɛ nyin! Nɛn waa ɡɛnaa ki o wechɔɡa ta lee.

Sɛɡla 3:18

Nɛra baa dɔ wejema la, ba na som, o dɛ tɛ mkpa kohona.

Yelsom 5:8

Jerusalam haahna, hé baɡ mɛ nyoa, dɛ he na n sɛnodɛɛɡe la aa, hé ŋɔ o be ŋɔ o nyina kohona ɡelɔ n bambile chɔɡ, mɛɛ nyin o bɔr.

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 22:2

dɛ palɛ dɛɛ kpɔ bwɛɛ la fɔɡbaah tenten. Mkpa daa anɛ che o baŋne anɛ bwa ta, fɔɡbaah bela. Mkpa daa la dɛ nɔnɛ kera fi dɛ anɛ benanyoa, korobie bɛlbwa kera beŋkpoŋ. O papooni ɡe wono chah nɛra bwa weela.