Sɛɡla 12:4 - mzwDBL

⁴ Handɛɛɡe ɡelɔ o jaa ɛɛ dɔ jirima, kɛ haah waa kpɔ sihiih dɛɛ kpo o jaa la, do kɛŋɔ weela aa lɔ nɛn nɛ.

Sɛɡla 12:4 Iomraidhean Croise

Sɛɡla 11:22

Handɛɛɡe waa wola da dɔe la, do kɛŋɔ baa kpɔ suuɡaswɛm noniseɡ do parakoo mee ta!

Sɛɡla 12:5

Nɛn o wa aa toɡra bol waa dɛɛ pa bole aŋwɛnɛ ta, kɛ nɛn o nyondoŋe aa bar o nyu te liire ɛ nyosone ɡbosoo.

Sɛɡla 14:1

Hanwejeremee dɛɛ vɔwɛ dea, kɛ hanɡɛnee yon dɛɛ paɡre dea.

Sɛɡla 14:30

Deŋnesɔɔhna dɛ tɛ bokpeɡa, kɛ bɔweela te, ɛ weela.

Sɛɡla 18:22

He dɔ haah naa, dɛ he dɔ kondɛɛɡe, a dɛ baɡle kɛ Korowii chae.

Sɛɡla 21:19

Baa ɡbo soɡo bɔ ɡwaa kɛŋɔ waa mo hannaɡrenyini o baah aa dɛ di kohona.

Sɛɡla 21:9

He ɡbo soɡe saldoa bɔ kɛ he ne hannaɡrenyini aa pɛ dem.

Sɛɡla 30:23

Ne haah nomɛlbwa aa wola on nyin o berɛ ba dɔ jaa, ne yomhaah waa lɛ haah waa lɔ o sie tolo jaa.

Sɛɡla 31:29

O jaa yon ŋɔ, “Handɛɛɡa lole te, kɛ he dɔŋ toole.”

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

1 Kɔrent 11:11

Ya Korowii toma waa bini te, baa ne haah bwa sie dawɛ dɔŋa nɛ.

1 Kɔrent 11:7

Aa were kɛŋɔ baa ɡe kpɔ kon bɔle o nyu, dɛkalkɛŋɔ o do ɡɛ Korowii aa doa, dɛɛ baɡle Korowii jirima. Kɛ haah te dɛ baɡle baa jirima.

Rut Tɔn 3:11

N bie, bɛ ɡel a hiaih. Mɛɛ ɛ wobɛlbwa haa dɛ nyinii tɛɛ, dɛkalkɛ nɛra baa lɔ bwɛɛ nɔ ta bwa jemɛ ɡɛ he wa aa do kaih.