Sɛɡla 12:12 - mzwDBL

¹² Nɛnchɔɡa pɛla waa bwaa kɛŋɔ bichɔɡwa, kɛ nɛn o wa aa toɡra te, dɛ́ che kiŋkiŋ ken.

Sɛɡla 12:12 Iomraidhean Croise

Yela 1:3

Ba do kɛŋɔ daa baa duu bela waa sɔna, saŋ bɛlbwa o dɛ nɔnɛ o saŋ ta, o papooni ɡe aa chure bwa. A ɡɛ nɛra la wobɛlbwa baa ɛ dɛ́ do wer.

Yela 10:9

Ba dɛ sɔh dɛɛ kpa kɛŋɔ nyujente ken, dɛ́ pɛɡle lawɛ nɛra baa wola nomɛlbwa dɔe ó lɛɛ ba, dɛ́ laɡ ba, dɛ́ tɛɡ ba kaa.

Yela 9:15

Voɡtoroma kwi nafuɡe, dɛ ɡbaɡba le o ta, ba ɡbaɡba bel laɡ ba.

Sɛɡla 10:15

Dɔɔh suuɡaa dɛɛ tɔɔ ɡbemɡbe, kɛ nyaa te, o nyae dɛ́ kaa o ne chɔɡa ta.

Sɛɡla 11:30

Nɛn o wa aa toɡra we-ɛɛla ɡelɔ nɛra ɛɛ dɔ mkpa, kɛ naɡrenyin te dɛ chɔɡ o bala.

Sɛɡla 21:10

Wechɔɡ-ɛɛ te bɛlbwa dɛ nyin wechɔɡa taeh, waa o dɔŋ nɛɛ sune.

Aesaya 27:6

Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Aesaya 37:31

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Amanesoma Jɔn Aa Chwera Tɔn 15:16

He laa lee mɛ, menee le heya. Gɛ kpaldɛɛɡe aa dɛ nɔnɛ la, ɡɛɛ mɛɛ nyin kɛ he do, dɛɛ ɛ n Mɛɛ tetoowa, dɛ bɛ an ɡel bwa. Dɛ he dɛ ɛ ɡɛ naa, komɛlbwa haa soŋe n sɔn ta la, wɛɛ tɛ heyaa.

Amanesoma Jɔn Aa Chwera Tɔn 15:5

Menee ɡrepo daa la, asɛ he ɡee o kpala. Dɛ he bɛlbwa choŋi n nɛɛ kɛrɛdɛ asɛ n ɡe lawɔ pɛl n te naa, anee ó won nɔnɛ kɛrɛdɛ. Dɛ he ta n nɛɛ cheɡɛ te naa, haa won ɛ wobɛlbwa.

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.