11 Paa waa swɛɛ siwi dɛɛ ɛ toma laanee, dɛɛ dɔ kondikwaa kohona. Gɛnee dɛɛ chɔɡ o te toma aa wola tɔnɔ dɔe ta.
Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”
Naate ɛɛ di o koeh tɔnɔɔ, dɛ́ na som o wobɛlbwa do wer tɛo.
N ne nyosonteŋna aa darame kpɔ, n ne nɛnchɔɡa toole wobɛlbwa bini.
Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.
Dɛ nyaa koo kondikwaa ɛo kohona naa, nɛnchɔɡa ɡelɔ aa le o nɔn ta.
Koeh habɔɔ tɔnɔ do, kɛ nyoa wobol te, pɛɛpɛɛ dea aa la.
Bela baa kpɔ nae dɛɛ parɛ la, dɛ nae toole naa, kondikwa aa le do. Kɛ nae lɔ bela tenaa, kondikwaa dɛ bu.
Dom dɛ do he som kohona naa, nyae hɛɛ nya, he iro dɛɛ ɛ toma aa, kondikwaa dɛɛ bu he nɛ.
Dɛ dɔ na-elnee kohona dɛɛ he haah ne bii, dɛ he toli, ba bwara do wer.
Paa waa swɛɛ siwi dɛɛ ɛ toma laanee, dɛɛ dɔ kondikwaa kohona, kɛ onɔ la waa teŋɛ wesale ta la te dɛ nya.
Baa waa le o haah habɔɔ, dɛ kaa nyin hanfala la ta liire dɔe, o dɛ chɔɡ o ɡbaɡba.
dɛ na bonɔɔna bane baa wola wobɛlbwa jemɛ, ba bini la, dɛ bɛl te ɛ ɡɛne tenten.
Gɛna do kɛŋɔ haah waa ɛ wobobala te, waa wola sihiih jemɛ.
Dɛ ŋɔ ɡɛna be ŋɔ, “Nɛra he sie aa wola pile, hé ba n be bonɔ.”
Hé le he sie bɛ pila la ta, dɛ́ dɔ he nyu. Hé teŋɛ wejema ŋwɛnɛ ta.
Nɛra baa daŋre voɡsale toma ne, ba siwi ɛɛ sua la, ba paŋɛ chae he fe aa cha ba la.
He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.
Ya ta nomɛlbwa kondikwaa dii pɛɛpɛɛ. Ya ɛ toma chɔɔ ne jwaana dɛɛ koh kɛrɛdɛ, dɛ bɛ heyaa ha ya kondikwaa wa.
Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.