Sɛɡla 12:1 - mzwDBL

¹ Nomɛlbwa waa dɛ nyin o jemɛ waa la dɛ sɛh chɔɡre. Gɛnee wola sɛh kɛ ba baɡlo wa.

Sɛɡla 12:1 Iomraidhean Croise

Yela 119:27

Cha mɛ ń won no he waa la mun, ásɛ mɛɛ lii he nyokpowe-ɛɛla la.

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Yela 32:9

Bɛ ɡɛn kɛŋɔ jaaɡɔ kɛɛ keeɡo, ba yon kpɔ kabaɡrare do o nyoa, mɔɔ o jemɛ waa o dɔɔ aa dɛ nyin kɛ o ɛ la.”

Yela 50:17

He hah waa maa do heyaa a ta la, dɛ kpɔa ta habɔɔ.

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Sɛɡla 10:8

Wejereme dɛ́ no jae, kɛ nɛn waa dɛ bol ɡɛnewaa te waa dɛ ɛ pɛɛpɛɛ.

Sɛɡla 11:31

Nɛndɛɛɡa dɛ dɔ ba wedɛɛɡa kembɔr harɛ nɔ ta naa, ɡɛɛ wechɔɡ-ɛɛra baa wola Korowii ɔmɛ la, ɛɛ ba ba wechɔɡa kembɔr dɔe.

Sɛɡla 12:2

Korowii tea dɛ to nɛndɛɛɡa nɛ, dɛɛ pa nɛra baa dɛ lii wechɔɡa bolchɔɡe.

Sɛɡla 15:10

He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Sɛɡla 18:1

Nɛn waa wola nɛra baah jo la waane laa nomɛlbwa wa, o dɛ lɛ ɡaeh, waa nɛn waa lɛɛ dɛɛ do.

Sɛɡla 30:2

Dɛ n fa do kɛŋɔ kpɔɡ bini ol, n ta nɛn liire dɔe.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Sɛɡla 8:36

Nomɛlbwa waa wola men nae la, o ɛ o te, nomɛlbwa waa hah mɛ la pɛla lawɛ seo.”

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Lewi Dea Tena 13:10

O baa nyiŋu na dɛ ɔr la too asɛ pona aa lɔ o sie la ɡe to o bini la beɡre ŋwɛr aa,

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.