Sɛɡla 11:5 - mzwDBL

⁵ He waa toɡrɔ aa, dɛ he waa wer, kɛ he ɛ nɛnchɔɡe aa, he ɡbaɡba we-ɛɛla dɛ chɔɡe.

Sɛɡla 11:5 Iomraidhean Croise

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

Job Tɔn 18:7

Ba vala bini fa kpeɡri, kɛ a sɔɔhnɔ, jae baa dɛ ja nɛra bane la ɡelɔ ba ɡbabir chole.

Sɛɡla 1:18

Nɛn waa do ɡɛ la dɛ harɛ o te bel, o dɛ nyin o ɡbaɡba seo!

Sɛɡla 11:3

He waa toɡrɔ aa, a ɡelɔ hɛɛ jemɛ anɔ la haa ɛ, kɛ nɛra baa wola kasinteŋ dɔe la we-ɛɛlaa dɛɛ chɔɡ ba.

Sɛɡla 12:3

Wechɔɡ-ɛɛ aa won che o we-ɛɛla ta dɛ́ lɛ o te, kɛ nɛn o wa aa toɡra te dɛ́ so le kiŋkiŋ ken.

Sɛɡla 13:6

Nɛn wedɛɛɡa ɛɛ dɛ chao o soɡa bini, asɛ nyubinikpeɡ ɡe ɛɛ chɔɡ wechɔɡ-ɛɛra.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Sɛɡla 15:19

Bɔhwaah soɡa bini do kɛŋɔ, waa dɛ valɛ sɔɔhne ta, kɛ he waa toɡraa, he ŋwɛnɛ wer.

Sɛɡla 21:29

Nɛnchɔɡe dɛ ɛ o siebɔr kɛŋɔ o ɛ nɛndɛɛɡe, nɛn o wa aa toɡra te dɛ́ nyiŋi o waa bini kɛrɛdɛ.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Aesaya 26:7

N Naa Korowii, he ɡelɔ nɛra ba wa aa toɡra ŋwɛnɛ ɛɛ do wer, he kwaaro baa valɛ o ta.

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Sitɔɔla 20:41

Israel tena aa laa berɛ dɛ ba yo baa la, ɔmee lawɛ Bɛnjamen dea tena la kohona, ba ɡbabir jemɛ kɛŋɔ ba serewɔ tonɛ.