Sɛɡla 11:4 - mzwDBL

⁴ Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Sɛɡla 11:4 Iomraidhean Croise

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Job Tɔn 20:28

Ba kondɔɔh bwa ɛɛ chɔɡoo, awola Korowii baah aa di kohona, kɛŋɔ nee aa sua dɛ yon kpɔ komɛlbwa kaa la.

Sɛɡla 10:2

Wechɔɡa ŋwɛnɛ kpɔe dɛ́ dɔ kondɔɔh ta tɔnɔ bɛlbwa dɔe, kɛ dɛ he waa toɡraa, a dɛ lee seo ta.

Sɛɡla 12:28

Waa aa toɡra ŋwɛnɛ chɔɔ kaa mkpa ta, wechɔɡa ŋwɛnɛ te, seo taa o kaa.

Sɛɡla 6:34

Baa baah aa di kohona, nemenɛ o meera tɔpere o yon bɔ a kem ɡɛ bwa waa dɛ nyin.

Aesaya 10:3

Ɛrɛɛ hɛɛ ba ɛɛ awola Korowii aa dɛ ba he deŋne tɛra, ne wenaale aa le bojaŋ ba he nɛɛ laɔ? Umee hɛɛ ba chwae ka marɔɔ? Leperaa hɛɛ ba he kondɔɔh la ɡela ɔ?

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Ɛsekeɛl 7:19

Baa kpɔ ba suuɡapoŋa ne suuɡaswɛmee ta fɔɡbaahna kɛŋɔ chaa. Ba suuɡapoŋa ne suuɡaswɛm la aa won lɛɛ ba le men Korowii bandia tɔpere la ta. Baa won kpɔa yawɛ kwaa di, baa won dia ɡe dɛ́ vaɡɛ, dɛkalkɛ a taa ba lɔ naa dɛ ɛ wechɔɡa.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Tɔn Pɔɔl Aa Chwerɛ Rom Tena 5:17

Nɛmbeŋkpoŋ wechɔɡa taa seo che dɛɛ di kora nɛwɛnyina bwa nɛ. Gɛɛ a che nɛmbeŋkpoŋ nɛɛ asɛ Korowii na nɛwɛnyina sum kohona kwaraa dɛ cha yaa ya won ɛ nɛndɛɛɡa ya waa su o siwi pɛɛpɛɛ dɛ di kora mkpa aa wola jaɡa dɔe la ta. Onee Yeesu Kristo.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.