Sɛɡla 11:3 - mzwDBL

³ He waa toɡrɔ aa, a ɡelɔ hɛɛ jemɛ anɔ la haa ɛ, kɛ nɛra baa wola kasinteŋ dɔe la we-ɛɛlaa dɛɛ chɔɡ ba.

Sɛɡla 11:3 Iomraidhean Croise

Yela 25:21

N dɛ soŋe, ɡel kasinteŋ ne wedɛɛɡa ɛɛ tɔ n nɛ, he nɛɛ n kpɔ n te dawɛ.

Yela 26:1

N Naa Korowii, nyiŋi n waa bini dɛ́ pa mɛ bole, dɛkalkɛ n waa toɡrɔ, he nɛɛ n den kpɔ n te dawɛ.

Sɛɡla 11:5

He waa toɡrɔ aa, dɛ he waa wer, kɛ he ɛ nɛnchɔɡe aa, he ɡbaɡba we-ɛɛla dɛ chɔɡe.

Sɛɡla 13:6

Nɛn wedɛɛɡa ɛɛ dɛ chao o soɡa bini, asɛ nyubinikpeɡ ɡe ɛɛ chɔɡ wechɔɡ-ɛɛra.

Sɛɡla 19:3

Nɛŋɡɛnee dɛɛ chɔɡ o te, kɛ o yon berɛ kpɔ nya Korowii nɛ.

Sɛɡla 2:22

Korowii ɛɛ teŋe nɛnchɔɡaa le harɛ nɔ ta, wɛɛ chuɡri wechɔɡ-ɛɛraa le o ta kɛŋɔ kpɔɡa kɛɛ daa ken.

Sɛɡla 21:7

Nyubinikpeɡ te naɡrenyinii dɛɛ chɔɡo, o dɛ vɛh waa aa wera ɛɛ.

Sɛɡla 22:12

Korowii dɛ nyiŋi nomɛlbwa waa dɔ wejema, dɛ taɡɛ nyosonteŋni waa dɛɛ ta.

Sɛɡla 28:18

He waa bini wer aa, he dɛ dɔ he nyu, kɛ dɛ he waa bini ta toɡraa, he dɛ chole warane.

Wejereme 7:17

Dɛɛ berɛ nyubinikpeɡ ɛɛ kohona, dɛɛ berɛ ɡɛna ɡe kohona. Ɛrɛɛ chɛ kɛ he sewɛ, dɛ he saŋ ta tele mɔɔ nɔ?

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.