Sɛɡla 1:4 - mzwDBL

⁴ Aa ɡeloo nɛra baa wola wobɛlbwa jemɛ sie pili, ásɛ toli ne bonɔɔna dɔ wejema.

Sɛɡla 1:4 Iomraidhean Croise

Yela 116:6

Nɛra baa wola won cha ba te la, Korowii kpɔ nɔn dɛɛ tɔ ba nɛ. Gɛ saŋ maa lɔ sibeɡra ta la, o lɛɛ mɛ.

Yela 119:130

He waa la baɡla ɡelɔ nɛra liire bini ɛɛ chaah, dɛɛ tɛ nɛra baa wola wobɛlbwa jemɛ wejema.

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Yela 19:7

Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.

Yela 34:11

N bii, hé ba dɛ́ ba cheɡ deŋne no n be, mɛɛ baɡle heyaa ɡɛ haa kpɔ duure tɛ Korowii.

Sɛɡla 3:21

N bie, lawɛ he wejema ne waa mun noe bini, bɛ ɡel a paŋɛ.

Sɛɡla 8:12

Menee Wejema, n sie pilo, n jemɛ waa dɛɛ no waa mun.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Sɛɡla 8:32

N bii, name hé no n be, nomɛlbwa waa dɛ teŋɛ n waa ta la, o na som.

Sɛɡla 8:5

He sie ta pilaa, hé hweli sipila wa. He ɡɛnaa, hé hweli wejemwa.

Wejereme 11:9

He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.

Aesaya 35:8

Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Taetos 2:6

Ŋɔ bonɔɔna ɡe be ŋɔ bá dɔ nfɛrɛ wobɛlbwa ta.