Sɛɡla 1:25 - mzwDBL

²⁵ Haa waa maa dɛ ja heyaa a waa la nyin, he vɛh waa maa bola dɛɛ baɡle heyaa la ɡe.

Sɛɡla 1:25 Iomraidhean Croise

2 Webena 33:10

Korowii kah Kooro Manasɛ ne o nɛra, kɛ ba vɛh o be noe.

2 Webena 36:16

Kɛ ba nyiŋi keamere la nyubaah, dɛ mam ba, dɛ vɛh o waa la ka tel kɛŋɔ Korowii baah aa di o nɛra nɛɛ kohona, baa wola won le a nyoa kpa.

Yela 107:11

dɛkalkɛ ba ɛ Nemenɛ Korowii deŋnekpeɡ, dɛ vɛh waa waa baɡ ba ta teŋa.

Yela 81:11

Kɛ ane abwa, Israel tena aa n be no, baa n waa ta teŋɛ.

Sɛɡla 1:30

Hé ta waa maa dɛ ja heyaa la ta teŋɛ, he vɛh kaeh maa kah heyaa la nɛra bwa siwi ta.

Sɛɡla 12:1

Nomɛlbwa waa dɛ nyin o jemɛ waa la dɛ sɛh chɔɡre. Gɛnee wola sɛh kɛ ba baɡlo wa.

Sɛɡla 15:10

He laa sie kpɔ wedɛɛɡa ta naa, he dɛ dɔ deŋnetɛra kohona, he kii kɛ ba bol waa baɡle naa, sewee hɛɛ dɔ.

Sɛɡla 5:12

ásɛ he ba ŋɔ, “N deŋnekpeɡ ne n waa bɛ noe, ne n bambikpeɡii tɛ mɛ.

Sɛɡla 8:14

N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

Jeremia 35:17

Anomanta, men Korowii Maa Ɛ Koranar Bwa Kooro, men Korowii Israel tena aa dɛ tom mɛ ɛɛ kpɔ wekpeɡa maa ŋɔa mɛɛ kpɔɔ ba ta Juda ne nomɛlbwa waa lɔ Jerusalam nɛɛ laanee ba. Dɛkalkɛ n bol waa he be, he ta noɛ, dɛ yerɛ heya he ta men chaŋɛ.”

Amanesoma Luk Aa Chwera Tɔn 7:30

Kɛ ba nomonome ne Farisii tena la ne Tɔnjerema la te vɛh Korowii waa aa wera tɛɛ ba la. Dɛ ba te fa ta ɡelɛ Jɔn sɔ ba Korowii ne.

Mmarare 1:45

He baa wi no Korowii, kɛ o ta heyaa chaŋɛ.

1 Samoɛl 8:18

Awola tɔpere la, hɛ́ɛ dɛɛ wiu, dɛɛ nyin kɛŋɔ he fe aa le kooro he ɡbabir aa leo la nɔn ta, kɛ Korowii aa heyaa chaŋe.”